web counter
LEXO PA REKLAMA!

SHKARKO APP

App Store
Google Play

Isabel Santos, kundër Greqisë për Belerin/ “Jam e keqardhur për deklaratat”

2024-03-27 15:21:00, Aktualitet CNA

Isabel Santos, kundër Greqisë për Belerin/ “Jam e keqardhur

Raportuesja për Shqipërinë në Parlamentin Evropian, Isabel Santos, komentoi çështjen e kryebashkiakut të zgjedhur të Himarës, Fredi Belerit dhe qëndrimet e Greqisë.

Në një deklaratë për mediat nga Tirana, Santos shprehu keqardhje për deklaratat e Athinës zyrtare.

Ajo deklaroi se autoritetet gjyqësore po bëjnë punën e tyre dhe sanksionet nga Greqia do ta bënin botën të tmerrshme.

“Jam e keqardhur për këtë lloj deklarate nga Greqia. Aq sa di, autoritetet gjyqësore po bëjnë punën e tyre, është një çështje që lidhet me zgjedhjet dhe diçka e keqe që është bërë, duke qenë se nuk është mbyllur nga organet gjyqësore, ndaj duhet të presim vendimin e gjykatës.

Është një çështje në proces gjyqësor. Nëse të gjitha vendet do të sanksiononin apo të bënin të tilla deklarata kur një shtetas i tyre përballet me një proces gjyqësor, bota do të ishte e tmerrshme. Do dalim në përfundim pasi të flasë drejtësia. Po e ndjek çështjen, jam mjaft e vëmendshme ndaj kësaj çështjeje, po i ndjek informacionet, por ajo që mund të them është se po pres për vendimin”, theksoi raportuesja./ CNA





Lajmet e fundit nga