web counter
LEXO PA REKLAMA!

SHKARKO APP

App Store
Google Play

Amnistia fiskale/ Escobar: Të jetë në përputhje me standartet globale dhe kërkesat e BE-së

2022-10-25 18:44:00, Aktualitet CNA

Amnistia fiskale/ Escobar: Të jetë në përputhje me

Zëvendës-Ndihmës Sekretari i Shtetit për Evropën dhe Euroazinë, Gabriel Escobar, ka folur mbrëmjen e sotme për nismën e amnistisë fiskale.

Në një intervistë për Zërin e Amerikës, Escobar tha se shqetësimet e SHBA i ka diskutuar me Qeverinë shqiptare.

Ai theksoi se amnistia fiskale duhet të jetë në përputhje me standartet globale dhe me kërkesat e BE-së.

“Po edhe ne kemi disa shqetësime. I kemi diskutuar ato me qeverinë e Shqipërisë. Do t’i bëja thirrje qeverisë së Shqipërisë t’i dëgjojë këto zëra dhe ta përshtasë qasjen ndaj amnistisë fiskale që të jetë në përputhje me standartet globale dhe me kërkesat e BE-së”, u shpreh ai.

I pyetur nëse ka ndonjë qëndrim më të qartë, nëse kjo nismë duhet zbatuar, apo braktisur, i dërguari special për Ballkanin nga SHBA nuk preferoi të japë një përgjigje të prerë.

“Nuk dua të hyj në thelbin e diskutimeve që do të kemi me zyrtarët shqiptarë sot, por do të kemi një dialog të hapur se cilat do të ishin pasojat”, nënvizoi Escobar./ B.A. – CNA.al





Lajmet e fundit nga