Për SPAK-un e kërcënuar dhe Arben Krajën që nuk regjistron kallëzimet penale

2022-10-25 16:28:00, Aktualitet CNA

Për SPAK-un e kërcënuar dhe Arben Krajën që nuk

Fotomontazh - SPAK dhe Arben Kraja

Kreu i SPAK, Arben Kraja është pyetur sot nga mediat në Polin e Drejtësisë nëse ka prokurorë apo gjyqtarë të kërcënuar.

Vetë Kraja e pranoi se ka pasur kërcënime dhe presione ndaj trupës gjyqësore dhe prokurorëve.

“Prokurorë e gjyqtarë të SPAK kanë çështje të vështira për të trajtuar qoftë për personazhe të krimit të organizuar. Ka pasur presion, por kanë mbrojtje siç ja parashikon ligji”, tha ai.

Mandati i Krajës në krye të SPAK po mbaron dhe ende nuk ka asnjë kandidat pretendent. Por Kraja thotë se nuk ka asnjë informacion nëse mungesa e kandidatëve ështe për shkak të ndonjë presioni.

“Gara është e hapur s’ka mbaruar afati. Nuk di të ketë trembje”, tha Kraja.

SPAK-u ka në duar personazhe të krimit të organizuar/ Kraja: Ka pasur presione ndaj prokurorëve e gjykatësve
25 Tetor, 11:28

I pyetur nëse pritet arrestimi i ndonjë “peshku të madh”, Kraja u shpreh se puna vijon çdo ditë, teksa përmendi edhe rastin e sotëm ku SPAK ka përfunduar hetimet dhe ka kërkuar gjykim për ish kryebashkiakun e Lezhës, Fran Frrokaj dhe 10 persona të tjerë, pasi akuzohen për tjetërsimin e pronave në bregdetin e Shëngjinit.

Çështjet që lindin janë disa.

Kraja deklaron se ka pasur kërcënime, jo për një, por duket se janë shumë magjistratë të kërcënuar apo që janë ndjerë të kërcënuar.

Cilët janë të kërcënuarit, por mbi të gjitha cilët janë kërcënuesit?

Pse nuk regjistron çështje penale kryesisht Arben Kraja ndaj kërcënuesve?

Nëse Kraja ka informacione për kërcënimet dhe nuk ka vepruar atëherë Kraja ka fshehur vepra penale dhe në rastin më të keq po përkrah shkelësit e ligjit penal.

Nëse deklaratat e Krajës nuk janë tallavaja e radhës për muajin tetor, Kraja po del në mbrojtje të kërcënuesve.

Ambasadorja Yuri Kim në mbrojtje të gjyqtares anti-korrupsion/ Po shantazhohet dhe përndiqet para një vendimi
21 Tetor, 21:20

Çfarë ndihme mund të presin njerëzit e thjeshtë që kërcënohen kur Kraja nuk ka ç’u bën atyre që paskan kërcënuar jo njerëz disido, por prokurorë të SPAK-ut dhe gjyqtarë të GJKKO-së.

Nëse nuk ka as emra kërcënuesish, as çështje penale të hapura, atëherë Kraja po tallet me shqiptarët.

Kraja nuk është kandidat për drejtues i SPAK sepse ligji i ndalon rikandidimin.

Por si arritje e këtyre 3 viteve tashmë mund të rreshtohet edhe fakti që SPAK nuk regjistron dot kallëzime penale as kur kërcënohen prokurorët e vetë trupës së nivelit të lartë.

Ky mund të quhet sukses... i kërcënuesve./ CNA.al