LEXO PA REKLAMA!

SHKARKO APP

App Store
Google Play

E fundit!

x

Nuk ka përmirësim të situatës ekonomike/ Eksperti: Rritja e çmimeve do vijojë edhe për 2 vite të tjera

1 Qershor 2022, 21:18, Ekonomi CNA
Nuk ka përmirësim të situatës ekonomike/ Eksperti: Rritja e
Selami Xhepa, ekspert ekonomie

Rritja e çmimeve vijon të shqetësojë qytetarët shqiptarë çdo ditë e më shumë. Por eksperti i ekonomisë Selami Xhepa ja u ka prerë shpresat për një përmirësim të situatës.

Në një intervistë për mediat, Xhepa u shpreh se rritja e çmimeve do të vijojë edhe për 2 vite të tjera, ndërsa shtoi se çmimi i energjisë nuk ka rritje esenciale në bursën ndërkombëtare.

“Bordi në Shqipëri e rrit çmimin ndërsa vendet e tjera marrin masa për ta ulur çmimin. Çmimet e energjisë janë thelbësore në impaktin që ata kanë në të gjithë sektorët e tjerë të energjisë. Në bursën ndërkombëtare nuk ka pasur rritje të ndjeshme, 120 dollarë barela në mos gaboj është tani. Nuk ka pasur zhvillim të rëndësishëm. Në të gjithë tregjet e lëndëve të para janë esenciale. E veçanta e energjisë është se energjia futet kudo. Ajo  shtyn edhe më shumë efektin negativ të inflacionit i jep një shtysë edhe më të fortë. Rritja e çmimeve do të vijojë edhe për 2 vite”, tha ai.

Por çmimet kanë shënuar një rritje në nivel të përgjithshëm. Eksperti i ekonomisë e quajti këtë fenomen abuzimi në situata të caktuara.

“Pse duhet rritur çmimi i shampos? Është i njohur fenomeni i abuzimit me situata të caktuara. Edhe në ekonomi që kanë nivele të forta të konkurrencës, në SHBA për shembull, Biden u bëri thirrje kompanive të mos abuzojnë e spekullojnë. Një sasi droge me vlerë prej 300 mijë eurosh, e dalë nga Shqipëria është bllokuar nga Policia e Maqedonisë së Veriut përpara se të mbërrinte në destinacionin final që ishte Greqia”, tha Xhepa.

Ndërkaq ai shtoi se rritja e çmimeve është kërcënim për ekonominë botërore./E.K-CNA.al

Lajmet e fundit nga