E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Koha të ndryshojmë”/ Jorida Tabaku i rikthehet krizës ekonomike

21 Maj 2022, 08:53, Ekonomi CNA

Deputetja e PD-së, Jorida Tabaku është rikthyer sërish tek kriza ekonomike dhe akuzat ndaj Qeverisë.

Sipas saj, është koha të ndryshojmë, pasi familjet shqiptare janë përballë krizës më të rëndë financiare dhe me gjasë edhe ekonomike të këtyre 20 viteve.

?Xhepi dhe të ardhurat e shqiptarëve po përballen me një situatë stagflacioniste;

Rënie ekonomike dhe rritje të çmimeve, ndërsa rrogat e tyre kanë mbetur në vend-numëro.

Çdo muaj shqiptarët paguajnë më shumë si pasojë e inflacionit dhe paguajnë edhe më shumë si pasojë e taksave.

Me gjithë këto kriza që po godasin xhepin e qytetarëve, që po varfërojnë ato përditë e më shumë.

Po dërgojnë në emigrim gjithnjë e më shumë shqiptarë halli i qeveisë është diku gjetkë?, shkruan Tabaku në rrjete sociale.

Tabaku shkruan më tej, se mazhoranca dhe padyshim qeveria mendojnë çdo ditë se si taksat e shqiptarëve t?i çojnë tek PPP-të që janë sot sa 50% e PBB-së.

Sipas saj, janë 90 mijë euro në ditë që shkojnë në aferën e inceneratorëve ndërsa qeveria po përgatitet të taksojë profesionistët me taksën progresive.

?FMN këshillon që qeveria të ndryshojë politikën fiskale ndërsa qeveria lobon dhe lufton për amnistinë fiskale që t?i falë grupeve kriminale paratë e pista të drogës.

FMN i kërkon qeverisë të jetë e përgjegjshme në shpenzime dhe të punojë për rregulla që ofrojnë një ekonomi në shërbim të qytetarëve kurse qeveria mendoon si të promovojë ekonominë e drogës. Si? Duke sponsorizuar ligje në favor të grupeve kriminale.

Bizneset kërkojnë konkurrencë dhe ekonomi të lirë ndërsa qeveria shpenzon energjitë e saj dhe të kuvendit për projektligje me emra biznesesh specifikë në kurriz të koonkurencës dhe sipërmarrjes.

Bota është në krizë, ekonomia është në zgrip dhe shqiptarët përballë një situate falimenti ndërsa qeveria vazhdon të mendojë për hallet e saj dhe oligarkisë?, përfundon reagimin Tabaku./CNA.al