LEXO PA REKLAMA!

SHKARKO APP

Reformat në sistemin e kapitaleve/ Sejko numëron arritjet

19 Maj 2022, 08:48, Ekonomi CNA
Reformat në sistemin e kapitaleve/ Sejko numëron arritjet

Guvernatori i Bankës së Shqipërisë, Gent Sejko, i pranishëm në konferencën ndërkombëtare me temë ?Diversifikimi i sistemit financiar përmes reformave të tregut të kapitaleve?, ka vënë theksin te progresi që sipas tij ka bërë sistemi bankar në Shqipëri gjatë viteve të fundit.

Ai theksoi se problemet që më përpara lidheshin me rolin kryesor të bankave si ndërmjetës financiar, mbrojtës të depozitave të kursimeve të popullatës, dhe suportues të ekonomisë përmes kreditimit, tashmë janë ezauruar, nuk ekzistojnë më.

?Pjesa ligjore ishte e vështirë pasi lidhej me reformën në drejtësi, ishte fillimi i reformës në drejtësi për ekzekutimin e kolateraleve apo për respektimin e kontratave.

Në atë kohë kishte një preceptim negativ për bankat. Sot është pak më pozitiv.  Për normat e larta të interesit, për kërkesën që bankat kishin për kthimin e kredisë, mjaft biznesmenë, biznese të mëdha jo të vogla, mendonin se ishte faji i bankave për këtë situatë, sigurisht që bankat kishin fajin e tyre, por nuk ishte i gjithë faji i bankave. Shumë biznese të mëdha pretendonin se unë bëra çfarë më tha banka, banka me tha merri lekët, ndërkohë që nuk vajti banka tek ai, por ai te banka.

Ishte një situatë mjaft komplekse e agravuar që duhej zgjidhur, ishin shumë probleme që duheshin zgjidhur dhe fatmirësisht ky plan pune funksionoi ndër vite.

Fatmirësisht sot kemi rezultate, perfeksion nuk ka kurrë, koha evoluon dhe sot kemi kërkesa të tjera.

Por të paktën për probleme fondamentale që lidhen me rolin kryesor të bankave si ndërmjetës financiar, si mbrojtës të depozitave të kursimeve të popullatës, si dhe supertues të ekonomisë përmes kreditimit, sot nuk kemi më hallin që kishim. Unë, institucioni që unë drejtoj dhe kolegët e mi në Bankën e Shqipërisë ndihemi shumë konfident me cilësinë e bankave, me mënyrën si ato operojnë, me seriozitetin dhe analizën e riskut që ato kanë”,– tha Sejko./CNA.al

Lajmet e fundit nga