LEXO PA REKLAMA!

SHKARKO APP

E fundit!

x

Zbardhet emaili/ Një tjetër kompani ndërtimi, pagesa me klering për dherat në landfillin e Sharrës

24 Prill 2024, 16:00, Denoncim CNA
Zbardhet emaili/ Një tjetër kompani ndërtimi, pagesa me klering
Inceneratori i Tiranës

CNA ka denoncuar aferën me dherat brenda aferës së inceneratorëve, pasi Bashkia e Tiranës ka firmosur marrëveshje me kompaninë e inceneratorit të Tiranës që detyron kompanitë e ndërtimit të paguajnë për dherat.

Kompanitë e ndërtimit duhet të dërgojnë në landfillin e Sharrës të gjithë dherat e nxjerra nga gropat e kantiereve, për të cilat paguajnë nga 4-8 euro për 1m³ dhera.

CNA ka raportuar se disa kompani ndërtimi nuk bëjnë pagesa, por kanë lidhur kontrata kleringu me inceneratorin e Tiranës. Njëra prej tyre ishte kompania “Llanaj ndërtim”, ndërsa ditën e sotme është zbuluar një tjetër kompani që bën pagesa me klering

Drejtuesi politik i PD-së për Tiranën, Belind Këlliçi, zbuloi se kompania “Alesio” sh.p.k bën pagesa me klering për dherat që depoziton në landfill.

Këlliçi publikoi një email, ku ku Julia Muça, punonjësja e Stela Gugalles vë në dijeni këtë të fundit dhe Klodian Zoton për marrëdhëniet financiare me kompaninë “Alesio” sh.p.k.

Email-i mban datën 6 qershor 2020 dhe tregon se kompania e ndërtimit ka dhënë një apartament, eskavator apo ka kryer edhe punime për dherat që depoziton në Sharrë.

Zbardhet emaili/ Një tjetër kompani ndërtimi, pagesa me klering

Pjesë nga denoncimi:

Siç u kemi shpjeguar me fakte të bëra publike prej kohësh tashmë, brenda mega aferës korruptive të inceneratorit të Tiranës, ka një tjetër aferë sa korruptive, po aq dhe kriminale. Bëhet fjalë për aferën e dherave.

Një faturë e cila deri më sot kalon shifrën e 60 milionë eurove. Para të cilat kanë dalë nga xhepat e shqiptarëve.

Besoj e mbani mend marrëveshjen e firmosur më datë 15 tetor 2018, midis Taulant Tushës, Ermal Kapllanajt, Evisjon Salkut dhe inceneratorit të Tiranës.

Nëpërmjet kësaj marrëveshje, pronari faktik i inceneratorit Tiranë Erion Veliaj, përmes drejtorëve të bandës kriminale 5D, vuri në shërbim të biznesit të tij, të gjithë strukturën shtetërore.

Kjo datë shënon dhe pikënisjen e kësaj afere.

Sot po bëjmë publik një e-mail të punonjëses Julia Muça, financiere e inceneratorëve. Ky e-mail i dërgohet Klodian Zotos dhe Stela Gugalles. E-maili mban datën 6 qershor, 2020.

Ky e-mail flet për marrëdhëniet financiare me kompaninë Alesio sh.p.k., që siç dihet nga të gjithë, kjo kompani tashmë është e sekuestruar nga shteti me vendim të formës së prerë, për pastrim parash.

Pra pasi u firmos marrëveshja mes inceneratorit të Tiranës dhe drejtorëve të bandës 5D, vetëm 4 ditë më pas Alesio sh.p.k., firmos marrëveshjen me inceneratorin e Tiranës për depozitimin e dherave dhe inerteve, për gropat e kullave më të rëndësishme të Tiranës.

Sipas këtij e-maili, kjo shoqëri kishte 2 milionë euro detyrime për të paguar nga të cilat, pas komunikimeve verbale, i zbriten 400 mijë euro detyrime për ETC-në, i zbriten 58 mijë euro për një apartament, të cilin SPAK as nuk e sheh dhe as merr mundin ta kërkojë (njëlloj si në rastin e 6 apartamenteve me Llanaj sh.p.k.), i zbriten 32 mijë euro për një eskavator të cilin le ta gjejë SPAK se kujt i përket, e në fund kompanisë i mbeten dhe 370 mijë euro për të paguar, të cilat sipas e-mailit, 145 mijë euro janë marrëdhënie kleringu me palë të tjera (pra ndonjë apartament tjetër në ndonjë kullë të Tiranës) dhe klering 190 mijë euro më një kompani shumë të preferuar nga Alesio sh.p.k., kompaninë Fortis sh.p.k.

Të nderuar qytetarë,

Vetëm një kompani ka paguar për 1 vit e gjysëm shifrën e 2 milionë eurove për depozitimin e dherave, e gjitha kjo pas presionit kriminal që pronari faktik i inceneratorit të Tiranës ushtroi mbi biznesin e ndërtimit. Dhe sigurisht kur i përzgjedh shokët, i përzgjedh njëlloj si veten./ CNA

Lajmet e fundit nga