LEXO PA REKLAMA!

SHKARKO APP

Bizneset e Kapllanajt me Ferdinand Marën/ Skandali në Policinë Bashkiake dhe atë të Shtetit

19 Prill 2024, 10:47, Denoncim CNA
Bizneset e Kapllanajt me Ferdinand Marën/ Skandali në Policinë
Kreu i Policisë Bashkiake të Tiranës, Ermal Kapllanaj

Ermal Kapllanaj, kreu i Policisë Bashkiake të Tiranës është përfshirë në disa skandale.

Njëri prej tyre është ai i denoncuar dje nga drejtuesi politik i PD-së për Tiranën, Belind Këlliçi për lidhjet nepotike dhe bizneset e Kapllanajt me Ferdinand Marën, drejtuesin e lartë të Policisë së Shtetit.

Lidhjet nepotike dhe bizneset me Marën

Dy zyrtarët e lartë të policisë favorizuan njëri-tjetrin dhe më pas krijuan biznese.

Si fillim, Ermal Kapllanaj punësoi vëllain e Ferdinand Marës në Policinë Bashkiake. Më pas, në vitin 2016, ata regjistruan si biznesmen babain e Ferdinand Marës, Bajram Marën, i cili u jepte me qira hapësirat atyre që donin të shisnin fruta perime në tregjet e miratuara nga Bashkia Tiranë brenda lagjeve.

Bizneset e Kapllanajt me Ferdinand Marën/ Skandali në Policinë

Bizneset e Kapllanajt me Ferdinand Marën/ Skandali në Policinë

Në vitin 2019, bashkëshortja e Ferdinand Marës, edhe pse me profesion mësuese shkolle në Tiranë, vendosi të bëhet biznesmene me të njëjtin objekt veprimtarie si vjehrri i saj, “Tregëti fruta perime”. Në Qendrën Kombëtare të Biznesit janë pasqyruar mbi 600.000 euro në vit xhiro.

Gjithashtu, në vitin 2020 është themeluar një tjetër kompani me objekt “tregëti në tregjet e fruta perimeve”, e quajtur “FRESHMART”.

Bizneset e Kapllanajt me Ferdinand Marën/ Skandali në Policinë

Kështu, për shkak të lidhjeve nepotike, ata kapën tregjet e miratuara nga kryebashkiaku Erion Veliaj për të pasuruar veten.

Megjithatë, skandalet e Kapllanajt nuk përfundojnë këtu, pasi ky i fundit është kujdesur t’i shërbejë eprorit të tij, Erion Veliajt, edhe pse në shkelje të ligjit.

Bizneset e Kapllanajt me Ferdinand Marën/ Skandali në Policinë
Kryetari i Bashkisë së Tiranës, Erion Veliaj dhe kreu i Policisë Bashkiake, Ermal Kapllanaj

Presioni i Kapllanajt mbi punonjësit

Si një ushtar i Veliaj, ai u ka bërë presion punonjësve që të bëjnë propagandë për kryebashkiakun e Tiranës.

CNA publikoi ditën e sotme disa mesazhe në grupin e “WhatsApp” të Policisë Bashkiake, ku Kapllanaj urdhëronte të hënën e 15 prillit punonjësit e policisë që të bënin sa më shumë pëlqime dhe shpërndarje të një aktiviteti të bashkisë.

Bizneset e Kapllanajt me Ferdinand Marën/ Skandali në Policinë

Gjithashtu, në një tjetër mesazh, ai i kritikonte punonjësit se nuk kishin bërë propagandë aq sa duhej dhe duhet të ishim më shumë aktivë me pëlqime, komente pozitive apo shpërndarje.

Bizneset e Kapllanajt me Ferdinand Marën/ Skandali në Policinë

Në fakt, propaganda e punonjësve të Policisë Bashkiake dhe shprehja e bindjeve politike është e ndaluar dhe kjo theksohet në nenin 36 të Ligjit për Policinë Bashkiake.

Të drejtat politike

1. Policia Bashkiake është strukturë e depolitizuar.

2. Punonjësi i Policisë Bashkiake nuk mund të jetë anëtar i partive politike.

3. Punonjësi i Policisë Bashkiake nuk duhet të shprehë publikisht bindjet ose preferencat e tij politike gjatë kohës së ushtrimit të detyrës”, theksohet në nenin 36.

Bizneset e Kapllanajt me Ferdinand Marën/ Skandali në Policinë

Kështu, Kapllanaj, i zhytur “kokë e këmbë” në skandale, nuk ka pyetur për ligjin, por ka vendosur t’i shërbejë Veliajt për interesat e tij, duke abuzuar me pushtetin mbi punonjësit./ CNA

Lajmet e fundit nga