web counter
LEXO PA REKLAMA!

SHKARKO APP

App Store
Google Play

Pa asnjë faturë dhe shërbim/ Kompania e Klodian Zotos zhduk 12 milionë euro, transferohen në llogari "offshore"

9 Prill 2024, 14:48, Denoncim CNA
Pa asnjë faturë dhe shërbim/ Kompania e Klodian Zotos zhduk 12
Klodian Zoto

Drejtuesi politik i PD-së për Tiranën, Belind Këlliçi, ka denoncuar një tjetër aferë që lidh Veliajn, drejtorët e tij me kompaninë e Klodian Zotos.

Këlliçi në deklaratën për mediat ka shpjeguar se sipas dokumenteve të dorëzuara nga ana e opozitës dhe hetimeve të SPAK-ut rezulton se kompania e Zotos ka zhdukur 12 milionë euro nga llogaritë e inceneratorit të Tiranës dhe i ka transferuar në llogari "offshore".

“Për shumë nga ju nuk do të përbënte habi që kjo të ishte thjesht vjedhja e radhës nga taksat tona. Por përzgjedhja e kësaj kompanie, ka një arsye dhe motiv shumë më të fortë. Sipas dokumenteve të dorëzuara nga ana jonë dhe hetimeve të deritanishme të SPAK-ut, faktohet se:

Kompania ITS sh.p.k. ka zhdukur nga llogaritë e inceneratorit të Tiranës shumën 12 milionë euro pa asnjë faturë dhe shërbim të kryer.

E thënë më thjeshtë, ITS sh.p.k. është valixhja me të cilën pronari faktik i Inceneratorit Tiranë, ka vjedhur dhe transferuar në llogari OFFSHORE më së paku 12 milionë euro.

E gjitha kjo nuk do të kishte ndodhur, nëse Erion Veliaj nuk do të kishte bllokuar punën e Njësisë së Zbatimit të Projektit, që kishte një detyrë të vetme, të monitoronte lëvizjet e parave dhe investimin në landfillin e Sharrës.

Zv. Kryeministrja Belinda Balluku ia ka shkruajtur e zezë mbi të bardhë, në korrik të vitit 2023 drejtpërdrejtë Erion Veliajt, që ai dhe vetëm ai është shkaktari i bllokimit të NJZP-së dhe se do të mbante ai përgjegjësi për çdo dëm që po i shkaktohej palës shtet.

Organizata kriminale '5D', e strehuar në Bashkinë e Tiranës, ka vepruar në dijeni të plotë të drejtuesit të saj Erion Veliaj dhe praktikisht si çdo strukturë kriminale e mirorganizuar, u janë bindur urdhrave të drejtuesit, duke i siguruar atij vota dhe përfitime të majme financiare”, është shprehur Këlliçi.

Këlliçi i ka bërë thirrje SPAK-ut të zgjerojë hetimet ku të përfshijë dhe këtë tender.

“I bëj thirrje SPAK-ut, të zgjerojë hetimet, ku të përfshihet dhe ky tender, detaje për të cilin do ia përcjellim zyrtarisht z. Dumani. Çdo tender i firmosur nga Erion Veliaj dhe struktura e tij kriminale në bashki, është thjeshtë dhe vetëm një pazar korruptiv, ku përfitimi i kësaj organizate kriminale shkon deri më 100%.

Falënderoj ata punonjës të ndershëm të Bashkisë Tiranë, që na janë bashkuar në zbardhjen e së vërtetës e denoncimin e aferave korruptive të Erion Veliajt dhe gjej rastin të ftoj sërish qytetarët dhe banorët e Tiranës, për të protestuar përpara Bashkisë Tiranë, ditën e enjte, më datë 11 prill, ora 11:00, për të kërkuar largimin e menjëhershëm nga zyra të Erion Veliajt dhe dorëzimin e tij përpara drejtësisë.

O sot, o kurrë. Ju faleminderit”, përfundoi deklaratën e tij Këlliçi./ CNA





Lajmet e fundit nga