E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Skandali në Gardën e Republikës/ Drejtorët me gotat e alkoolit përpara bëjnë emërimet

5 Qershor 2025, 09:00, Denoncim CNA

Skandali në Gardën e Republikës/ Drejtorët me gotat e

Të tjera fakte skandaloze përmban letra e efektivëve të Gardës drejtuar Kryeministrit dhe ministrit të Brendshëm, ku shprehen shqetësime dhe problematika në lidhje me drejtimin e këtij institucioni nga Ermal Onuzi.

Duke nisur nga emërimet pa kriter e mungesa e profesionalizmit, letra e punonjësve zbulon se çfarë ndodh vërtetë në zyrat e Gardës së Republikës.

Ekskluzive/ Kreu i Gardës u dorëhoq pas urdhrit të Ramës
4 Qershor, 10:46

Në letrën e siguruar nga CNA, letër e cila u drejtohet Ramës dhe Ervin Hoxhës, theksohet një detaj skandaloz se Garda është vendi ku konsumohet masivisht alkool nëpër zyra dhe me gotat përpara bëhet politika e emërimeve, duke filluar nga drejtori i Përgjithshëm e deri te drejtorët e tjerë të institucionit.

“Me keqardhje ju themi se Garda është tani vendi ku konsumohet masivisht alkool nëpër zyra dhe me gotat përpara bëhet politika e emërimeve. Duke filluar nga drejtori i Përgjithshëm dhe beniaminët e tij (drejtori i DPK dhe drejtori i DSPLSH).

Realisht Gardën e drejton një pijanec ordiner si L.H., që është shoku i drejtorit, i cili mbasi pi sa nuk kontrollon veten, del para efektivit me pantallona të lagura dhe thotë, ‘ligjin tani e bëj unë’. Po ju pyesim: Ky është vizioni për Gardën?”, thuhet në letrën e tyre drejtuar Ramës dhe Ervin Hoxhës.

Në letrën e siguruar nga CNA po ashtu zbulohet një tjetër skandal, ku kreu i Gardës dhe drejtorët e tij rreshtojnë efektivët në një lokal në Shkodër dhe më pas gajasen duke i thënë njëri-tjetrit se edhe duke pirë e vënë në rresht Gardën.

Skandalet e kreut të dorëhequr të Gardës/ Emërimet e paligjshme
4 Qershor, 12:39

Një tjetër shqetësim i punonjësve i paraqitur në letrën e zbardhur nga CNA është se po shkatërrohet karriera e dhjetëra gardistëve dhe po zëvendësohen me ish-ushtarakë, miq të drejtorit, të liruar apo në prag lirimi nga FA, kryesisht për mospërparim në gradë.

VIJON…