web counter
LEXO PA REKLAMA!

SHKARKO APP

E fundit!

x

Përroi i Granicës nën "pushtetin" e plehrave

28 Maj 2025, 14:12, Denoncim CNA

Përroi i Granicës nën "pushtetin" e plehrave

Shtrati i përroit që ndan lagjet “Palorto” dhe “Granicë” në Gjirokastër paraqet një pamje të trishtë, i mbuluar nga mbeturinat dhe papastërtitë. Edhe pse herë pas here janë kryer ndërhyrje për pastrimin e tij, përroi vazhdon të mbushet me plehra, kryesisht për shkak të hedhjes së tyre nga vetë banorët.

Disa prej banorëve shprehen të revoltuar për situatën.

Përroi i Granicës nën "pushtetin" e plehrave

 “Nuk ka faj bashkia, kur vetë njerëzit i hedhin mbeturinat ku t’u vijë. Jemi ne që e ndotim përroin, Gjirokastra nuk ka qenë kështu, e bënë këta që erdhën”,-pohon një banore.

Bashkia e Gjirokastrës ka deklaruar disa herë publikisht se do të marrë masa ndaj ndotësve, përfshirë gjobitjen e tyre. Megjithatë, deri më sot nuk është marrë asnjë masë administrative konkrete, duke i lënë pa efekt paralajmërimet dhe duke shtuar pakënaqësinë në radhët e komunitetit.

Përroi i Granicës nën "pushtetin" e plehrave

Përroi, përveç ndotjes vizuale, përbën edhe rrezik për shëndetin e banorëve, veçanërisht gjatë muajve të nxehtë. Banorët apelojnë për më shumë ndërhyrje nga autoritetet, por mbi të gjitha, për masa administrative ndaj ndotësve./CNA

 





Lajmet e fundit nga