web counter
LEXO PA REKLAMA!

SHKARKO APP

E fundit!

x

Vendimi i ndërmjetëm i Sadushit/ Opozita hesht për skandalin

23 Mars 2026, 18:41, Aktualitet CNA

Vendimi i ndërmjetëm i Sadushit/ Opozita hesht për skandalin

Ekspertja e ekonomisë, Brisida Shehaj ka folur sot lidhur me vendimin e ndërmjetëm të kreut të Gjykatës së Lartë, Sokol Sadushit, që i shërben kryebashkiakut të arrestuar të Tiranës, Erion Veliajt.

Në një intervistë për “Kafe Shqeto” në Syri Tv, Shehaj tha se këto veprime, që qëllim final kanë lirimin e Erion Veliajt nga burgu, i ka pasqyruar CNA në disa shkrime.

Ajo shprehet më tej se lidhur me këtë iniciativë të rrezikshme të Sadushit, opozita nuk ka pasur asnjë reagim të fortë.

“Ne këtë e dëgjuam si lajm nga të gjitha shkrimet që ka bërë CNA. Por nuk e kam dëgjuar të artikulohet fort si problem nga opozita”, tha Shehaj.

Ndërkohë edhe deputeti demokrat dhe ish-prokurori, Arjan Ndoja u shpreh në të njëjtin emision se veprimet e Sadushit i shërbejnë vetëm disa figurave që janë aktualisht në burg

“E dini kush është shenjë e autoritarizmit total në këtë vend. Është iniciativa që bën Gjykata e Larta për të njesuar praktikën gjyqësore për masat e sigurimit. Kjo iniciativë do të shërbejë për disa figura që aktualisht janë në masë të sigurimit. Kjo është goditja e fundit nga Gjykata e Lartë”, u shpreh Ndoja. /CNA





Lajmet e fundit nga