E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Bordi i Transparencës hyn në fuqi/ Pritet të mblidhet për caktimin e çmimeve tavan të karburanteve

23 Mars 2026, 15:33, Aktualitet CNA

Bordi i Transparencës hyn në fuqi/ Pritet të mblidhet për

Bordi i Transparencës ka hyrë në fuqi, ndërsa pritet që gjatë kësaj jave të zhvillojë mbledhjen e parë. Në mbledhje bordi pritet të caktojë edhe çmimet tavan për shitjen e naftës, gazit dhe nënprodukteve të tyre.

Sipas vendimit në fletoren zyrtare çmimet, që përcaktohen nga Bordi, janë të detyrueshme për të gjitha subjektet që tregtojnë nënproduktet e naftës dhe të gazit në vend.

Bordi i Transparencës hyn në fuqi/ Pritet të mblidhet për

Në një vëzhgim të kryer në terren ditën e sotme nga CNA, është parë se çmimet e karburanteve në vendin tonë kanë arritur shifra alarmante për xhepat e qytetarëve. Më konkretisht çmimet e naftës në pika të ndryshme variojnë nga 211 deri në 214 lekë për litër, ndërsa benzina tregtohet pranë nivelit të 199 lekëve.

Bursat në "rënie të lirë"/ Çmimet e karburanteve në Shqipëri sërish në rritje
23 Mars, 14:20

Ky shtrenjtim në tregun vendas mbetet i pashpjegueshëm, duke qenë se në bursat ndërkombëtare nafta ka pësuar një rënie drastike prej rreth 9% vetëm brenda 24 orëve të fundit, duke zbritur në nivelin e 96 dollarëve për fuçi.

Ndërkohë në të tilla kushte, kryeministri Edi Rama deklaroi të dielën se do të rikthehet Bordi i Transparencës për të kontrolluar çdo abuzim të mundshëm, ndonëse pohoi se deri më tani nuk janë vërejtur shkelje nga tregtarët. Rama premtoi një ndërhyrje të përkohshme me ulje të akcizës prej 20% për të lehtësuar barrën mbi përdoruesit e mjeteve. Përtej këtyre masave të deklaruara nga kreu i qeverisë, shifrat në tabelat e karburanteve mbeten të pandryshuara. /CNA