E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Dita e Sulltan Nevruzit/ Berisha dhe Meta urojnë besimtarët bektashinj

22 Mars 2026, 12:08, Aktualitet CNA

Kryetari i PD-së, Sali Berisha ka uruar besimtarëve myslimanë festën e Sulltan Nevruzit. Në një postim në rrjetet sociale, Berisha uron bektashinjtë dhe të gjithë besimtarëve që Sulltan Nevruzi tjetër t’i gjejë sa më mirë.

“Gëzuar ditën e Sulltan Novruzit! Të dashur miq, bektashinjve shqiptarë i uroj nga zemra gëzuar ditën e madhe dhe të bekuar të Sulltan Novruzit. Për bektashinjtë dhe të gjithë besimtarët e Zotit kjo është ditë besimi, mbarësie, ditë e lindjes, jetës dhe shpresës së pashuar! Le të urojmë që Sulltan Novruzi tjetër të na gjejë më mirë! Gëzuar”, thuhet në reagimin e Berishës.

Edhe kryetari i PL-së, Ilir Meta ka uruar festën përmes një reagimi. Meta uron besimtarëve dhe familjeve të tyre shëndet, mbarësi dhe begati. Ai shprehet më tej se pranvera dhe demokracia triumfojnë gjithonë.

“Gëzuar Sulltan Nevruzin! Në këtë ditë të bekuar, që simbolizon fitoren e pranverës mbi dimrin dhe të shpresës mbi dëshpërimin, ju uroj nga zemra shëndet, mbarësi dhe begati në çdo familje shqiptare. Qoftë kjo festë një burim drite, optimizmi dhe besimi për të gjithë besimtarët bektashianë dhe për çdo shqiptar. Ju ndihmoftë Abaz Aliu dhe qofshin mbi ju bekimet e Zotit! Pranvera dhe Demokracia triumfojnë përherë!”, thuhet në reagimin e Metës.

Besimtarët bektashianë festojnë këtë të dielë Ditën e Sulltan Nevruzit, ditëlindjen e të madhit Imam Aliu në Qabe, në të cilën sipas legjendës çdo gjë rigjallërohet, lind shpresa e ringjallja për njerëzimin. Kjo është një ditë e re, kur të gjithë shpresojnë për një të ardhme më të mirë. /CNA