web counter
LEXO PA REKLAMA!

SHKARKO APP

App Store
Google Play

E fundit!

x

Veliaj kërkon strehim politik tek Balla

12 Prill 2024, 19:35, Aktualitet CNA

Veliaj kërkon strehim politik tek Balla

Ish-kryeministri Sali Berisha në një reagim në rrjetet sociale shkruan se Erion Veliaj po kërkon strehim politik tek Taulant Balla.

Berisha thekson se sot është bërë një marrëveshje midis Policisë së Shtetit të Republikës së Shqipërisë me Policinë e Bashkisë së Tiranës për të siguruar Veliajn nga zemërimi popullor.

Sipas Berishës marrëveshja u bë urgjente sepse dje pati shenja të sigurta se policia e shtetit ishte gati të hiqte kapelen dhe të bashkohej me demostruesit.

"Të dashur miq, sot shqiptarët u njoftuan nga Veliaj dhe Balla në një konferencë për shtyp të përbashkët për marrëveshjen më të padëgjuar në 32 vite për të mos thënë në tërë historinë e shtetit shqiptar.

Marrëveshja midis Policisë së Shtetit të Republikës së Shqipërisë me Policinë e Bashkisë së Tiranës apo bashkisë më të vjedhur në botë për të siguruar menderen e Velisë nga zemërimi popullor që ka shpërthyer ndaj tij pas zbulimit të skemës së vjedhjeve 100% të parave në prokurimet publike nga Veliaj me 12 hajdutë.

Marrëveshja u bë urgjente sepse dje pati shenja të sigurta se policia e shtetit ishte gati të hiqte kapelen dhe të bashkohej me demostruesit.

Por marrëveshja Veliaj-Balla është një provokim i ulët për qytetarët e zemëruar dhe guximtar, me të cilën Erion Veliaj u thot qytetarëve të Tiranës se unë kam mburojë Ballën.

Në fakt kjo përbën ftesë për qytetarët që në çdo rast ditën e premte t’i kenë në konsideratë të dy. Afër janë. Tani firmosën paktin e mbrojtjes. Populli thotë një rruge e dy punë!", shkruan Berisha./ CNA 





Lajmet e fundit nga