web counter
LEXO PA REKLAMA!

SHKARKO APP

App Store
Google Play

“Hera e parë në histori që pritemi në këtë mënyrë”/ Rama: Shqipëria, rezultate pozitive në procesin e integrimit

12 Prill 2024, 15:20, Aktualitet CNA

“Hera e parë në histori që pritemi në këtë

Kryeministri Edi Rama, gjatë fjalimit të tij në konferencën e përbashkët me Presidentin francez, Emmanuel Macron, e ka falënderuar këtë të fundit për pritjen madhështore që iu bë sot.

Rama është shprehur se ndihet shumë krenar për Shqipërinë dhe miqësinë.

Ai thekson se ishte hera e parë në historinë e marrëdhënieve Shqipëri-Francë që një përfaqësues i Shqipërisë është pritur në këtë mënyrë.

Më tej Rama ka folur dhe për procesin e integrimit në BE ku ka theksuar se përtej burokracive sot Shqipëria dhe vendet e Ballkanit Perëndimor kanë rezultate shumë pozitive sa i përket integrimit.  

"Sot jam vërtet krenar për Shqipërinë, për këtë miqësi. Është hera e parë në historinë tonë të marrëdhënieve tona diplomatike që një përfaqësues të pritej në këtë mënyrë. Kjo do të thotë shumë për Shqipërinë dhe shqiptarët. Sot ka njerëz të shumtë që janë në Shqipëri për të investuar dhe ky është një revolucion.

Dua t'ju falënderoj për dy gjëra: për vizionin e vendosmërinë, të cilat e kanë shtyrë këtë valë të re të afrimit ndërmjet vendeve të Ballkanit dhe BE-së duke vënë në tryezë nevojën për ta shoqëruar këtë proces integrimi në një proces pranimi përtej burokracive të çdo vendi, sot jemi dëshmitarë të rezultateve për Shqipërinë dhe për Ballkanin.

Na duhet një Evropë e fortë, e bashkuar, që nuk mbetet peng i metodave të vjetra e tradicionale të integrimit. Sot jemi në një situatë krejt ndryshe, mjaft pozitive. Dua t'ju falënderoj edhe për vizitën në Shqipëri sepse përtej vizitës ka pasur një vijim të projekteve, ka gjëra që po marrin formë, kemi një horizont të ri të përbashkët, ku kanë nisur investime të mëdha dhe financime franceze për parqet voltaike në Ballkan", shprehet Rama. / CNA





Lajmet e fundit nga