web counter
LEXO PA REKLAMA!

SHKARKO APP

App Store
Google Play

"BILD", shuplakë Veliajt: Skandal i madh korrupsioni në bashki, 25 milionë euro të vjedhura

12 Prill 2024, 10:59, Aktualitet CNA
"BILD", shuplakë Veliajt: Skandal i madh korrupsioni në
Erion Veliaj

Media e njohur gjermane, "Bild", i ka kushtuar një artikull protestës masive të zhvilluar dje para Bashkisë së Tiranës, ku qytetarët kërkuan dorëheqjen e Erion Veliajt, për skandalin me dosjen "5D", ku u arrestuan drejtorë të këtij institucioni. 

"Bild" shkruan se në kryqytet ka një zemërim masiv ndaj Erion Veliajt, pas skandalit të madh të korrupsionit, i cili u pasua me arrestimin e bashkëpunëtorëve të Veliajt. Sipas "BILD", ky është një skandal i madh në kryeqytetin e Ballkanit Perëndimor. 

"Mjete ndezëse dhe zemërim masiv: Mijëra qytetarë prej ditësh kanë dalë në rrugë në kryeqytetin e Shqipërisë, Tiranë. Arsyeja: Një skandal i madh korrupsioni po trondit metropolin e Ballkanit Perëndimor. Drejtorët e bashkisë janë arrestuar dhe kryebashkiaku socialist po përballet me hetim. Bëhet fjalë për miliona euro. Edhe për Shqipërinë, qytetarët e së cilës janë mësuar me korrupsionin, ky është një skandal i madh!", thuhet në shkrim. 

Më tej media gjermane nënvizon se dëmi nga rasti i korrupsioni arrin vlerën e 25 milionë eurove. 

"Mijëra persona marshuan para bashkisë të enjten, duke demonstruar kundër kryebashkiakut socialist Erion Veliaj, i cili konsiderohet pasardhësi i preferuar i kryeministrit Edi Rama. U hodhën mjete ndezëse dhe policia duhej të rrethonte administratën e qytetit. Çfarë i shtyn njerëzit në rrugë: Politikanët kryesorë të qytetit thuhet se kanë themeluar kompani përmes njerëzve të kashtës, të cilëve më pas u kanë dhënë kontrata publike! Dëmi i njohur deri tani: 25 milionë euro para publike në vendin e dytë më të varfër të Evropës! Thuhet se është i përfshirë edhe kryetari i bashkisë. E gjithë kjo është pjesë e një sërë rastesh korrupsioni në vend që është kthyer në destinacionin e ri të ëndrrave në Mesdhe për mijëra gjermanë", thuhet më tej në shkrim./CNA 

 

 

 

 





Lajmet e fundit nga