web counter
LEXO PA REKLAMA!

SHKARKO APP

App Store
Google Play

PS i shpëtoi mandatin/ Xhaçka “guxon” të flasë: Bashkëshorti im, asnjë favor apo stimul

11 Prill 2024, 21:12, Aktualitet CNA
PS i shpëtoi mandatin/ Xhaçka “guxon” të
Deputetja e PS-së Olta Xhaçka

Deputetja dhe ish-ministrja e Partisë Socialiste, Olta Xhaçka, ka folur mbrëmjen e sotme për skandalin e shpalljes investitor strategjik të bashkëshortit të saj.

Xhaçka mori guximin sonte të flasë për heshtjen e saj të zgjatur, dhe që e justifikoi me respektimin ndaj institucioneve.

Olta Xhaçka, e cila asokohe ishte pjesë e Këshillit të Ministrave u mundua të sqaronte se përse bashkëshorti i saj, biznesmeni Artan Gaçi, fitoi statusin e investitorit strategjik në jug të vendit.

Dhe sot, mazhoranca i shpëtoi asaj mandatin si deputete.

“Nuk kam folur sepse kam respektuar institucionet.

Në këndvështrimin tim ka qenë një tullumbace. Kam dashur që i gjithë procesi të finalizohej pa ndërhyrjen time. Opozita akuzon se jam në papajtueshmëri mandati, dhe se mazhoranca nuk po lejon që mandati im të shkojë në Kushtetuese.

Kam bërë një gabim shumë të madh, sepse kam lejuar që të majiset një histori, duke lejuar këtë zhurmë dhe akuza drejtuar ndaj meje.

Statusi i investitorit strategjik është thjesht një stimul, që qeveria ua bën ekselentëve për të çuar ekonominë aty ku duhet.

Flasim për një biznes që kontribuon në një sektor të rëndësishëm. Jetojmë në një ekonomi kapitaliste. Joligjore do ishte nëse do të përfitohej nga pronat publike.

Ende nuk është lidhur një kontratë për plazhin.

Nuk ka asnjë favor dhe stimul për statusin që ka marrë bashkëshorti im.

Është thjesht një investim privat, blerë në një pronë private.”, tha Xhaçka./ CNA





Lajmet e fundit nga