web counter
LEXO PA REKLAMA!

SHKARKO APP

App Store
Google Play

Shqiptari i Malit të Zi harron çantën me 40 mijë dollarë/ Personeli i aeroportit “Nënë Tereza” bën gjestin fisnik

5 Gusht 2023, 18:59, Aktualitet CNA

Shqiptari i Malit të Zi harron çantën me 40 mijë

Një shqiptari i Malit të Zi ka harruar në aeroportin ”Nënë Tereza” çantën e tij, në të cilën ndodhej një shumë prej 40 mijë dollarësh, që fatmirësisht arriti ta merrte mbrapsht.

I zoti i çantës ka konstatur se ajo mungonte kur ka mbërritur në Tuz dhe ka kontaktuar menjëherë autoritetet e aeroportit.

Për fatin e tij të mirë personeli i aeroporti kishte gjetur paraprakisht çantën e harruar dhe i është përgjigjur pozitivisht telefonatës.

Shqiptari është paraqitur në aeroportin “Nënë Tereza” dhe ka marrë mbrapsht çantën me para që kishte harruar.

Ngjarja është bërë e ditur nga një qytetar i cili ka dashur të nxjerrë në pah gjestin fisnik nga personeli i aeroportit.

“Përshëndetje.

Kam për Ju një gjest shembull që bëri personeli i Aeroportit "Nënë Tereza" Tiranë.

Pasagjerët nga Malësia e madhe, pjesë nën Mal të Zi harrojnë një çantë, ku në të kishte vlerën e  40.000$.

Me mbërritje në Tuz, vërejnë se çanta nuk është, kontaktojnë personelin e Aeroportit, ku përgjigja e tyre ishte: po, e kemi gjetur dhe se kurdo që të doni mund të vini ta merrni.

Ky është një gjest njerëzor dhe dëshmi se Shqiptari është i Besës dhe burrërisë, me zemër të bardhë dhe bujar.

Çanta u muar nga i Zoti.

Falenderojmë nga zemra të gjithë personelin e aeroportit "Nënë Tereza" Tiranë!”,-shkruan shqiptari nga Tuzi./CNA.al

Shqiptari i Malit të Zi harron çantën me 40 mijë Shqiptari i Malit të Zi harron çantën me 40 mijë





Lajmet e fundit nga