Sekuestrimi i inceneratorit të Tiranës/ Kryemadhi: Nuk është një histori djegësash por histori mafjeje

1 Gusht 2023, 21:29, Aktualitet CNA

Sekuestrimi i inceneratorit të Tiranës/ Kryemadhi: Nuk është

Deputetja e Partisë së Lirisë, Monika Kryemadhi ka folur në lidhje me sekuestrimin ditën e sotme të inceneratorit të Tiranës me urdhër të SPAK.

Gjatë një interviste televizive Kryemadhi përgëzoi SPAK për punën e deritanishme dhe u shpreh se inceneratori nuk është një histori tenderash por shumë më shumë se kaq.

Deputetja e përshkroi këtë histori si një skemë mafioze që në fokus ka pastrimin e parave.

Ndër të tjera ajo thekson se i ka çuar bashkisë së Tiranës kërkesë për mënyrën se si bëhen pagesat për inceneratorin e Tiranës dhe se nuk ka marrë përgjigje, duke shkelur kështu ligjin për të drejtën e informimit por dhe ligjin për deputetin.

“Në fakt është shumë komplekse dhe shumë e madhe si çështje sepse përfshihet jo vetëm korrupsioni pasiv e aktiv, kalim dhe shkeje kopetencash, shpërdorim detyre, shkelje dhe marrja e kopetencave të pushtetit vendor dhe shumë e shumë të tjera.

Hyrja pastaj, në strukturë të organizuar kriminale, pra janë shumë gjëra bashkarisht, që le të themi e rrisin volumin e punës po t’i shtojmë dhe evzazionin fiskal, që vetëm për këtë të fundit, në korrik të 2022, ne kemi dorëzuar gati 6231 faqe, që janë të lidhura me pjesën e inceneratorit, pra firma e Klodian Zotos që sot Prokuroria thoshte ‘de fakto’, ka 25 milionë dollarë evazion fiksal për fatur fiktive, për ato për të cilat sot SPAK ka sekuestruar inceneratorin ku nga këto, të themi se 25 përqind e tyre janë fshehja ose mospagimi i TVSH.

Pra ajo që unë nuk dua ta dekurajoj por inkurajoj, është se kemi një hap, kemi një veprim, vërtet nuk ndalohen pagesat, ama administratori që do ta marrë përsipër nuk është offshore.

Paratë nuk do shkojnë te pronarët de fakto të inceneratorit të Tiranës si Mirel Mërtiri dhe Klodian Zoto, por do shkojnë tashmë tek kompania, ku administratori që do vendoset nga gjykata, do mbajë përgjëgjesi ligjore penale dhe financiare se çfarë do bëhet me paratë që do paguajnë bashkitë.

Pra çfarë roli do ketë adminsitratori dhe kush do jetë ai? Do jetë administratori një njeri që do vazhdojë të bëjë pagesat e mediave dhe TV? Kjo është për tu pare, por e rëndësishme është që diçka ka filluar dhe sigurisht që ne do vazhdojmë ta nxisim akoma më shumë SPAK për të ecur përpara dhe do ta ndihmojmë me dokumente të tjera. Pasi ka akoma për të zbuluar, sepse inceneratoir i Tiranës nuk është thjeshtë një tender, është një vepër komplekse.

Unë prej disa muajsh i kam çuar bashkisë së Tiranës kërkesë për pagesat dhe mënyrën se si paguhen përsa i përket inceneratorit dhe nuk kthen përgjigje kur ndërkohë ka shkelur ligjin për të drejtën e informimit por dhe ligjin për deputetin, që është autmatikisht i detyruar të kthente përgjigje brenda dy javëve.

Inceneratori i Tiranës nuk është më vetëm një ‘histori djegësash’ por kalon më tej duke shkuar ne histori mafjeje, në një mafie të pastrimit të parave.

Si çohen paratë jashtë, si ndryshohet destinacioni i tyre dhe si vijnë në Shqipëri në mënyra të tjera.”-ka deklaruar Kryemadhi./CNA.al