web counter
LEXO PA REKLAMA!

SHKARKO APP

App Store
Google Play

E fundit!

x

SPAK: Klodian Zoto dhe Mirel Mërtiri, pronarët e vërtetë të inceneratorit të Tiranës

1 Gusht 2023, 12:30, Aktualitet CNA

 

SPAK: Klodian Zoto dhe Mirel Mërtiri, pronarët e vërtetë
Klodian Zoto dhe Mirel Mërtiri

 

CNA ka denoncuar prej vitesh se megaaferën e inceneratorëve dhe personat që fshihen pas kësaj skeme.

CNA ka publikuar dokumenta që vërtetonin se Mirel Mërtiri, i cilësuar nga SPAK si “truri” i inceneratorëve dhe Klodian Zoto janë pronarët e vërtetë të inceneratorëve. Kjo është konfirmuar këtë të martë edhe nga SPAK.

Prokuroria e Posaçme Kundër Korrupsionit dhe Krimit të Organizuar deklaron se ka prova që faktojnë se Zoto dhe Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare të inceneratorit të Tiranës, si dhe të kompanisë mëmë të saj “Geogenix B.V.”, të themeluar në Hollandë me emrin “Integrated Energy B.V”

SPAK deklaron gjithashtu se Zoto dhe Mërtiri, janë personat që kanë udhëzuar dhe kanë marrë vendimet për kompaninë e inceneratorit të Tiranës dhe mëmën e saj.

“Nga aktet e administruara deri në këtë fazë të hetimit, në lidhje me kontratën e koncesionit nr. 6597 prot, datë 31.08.2017 “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, lidhur mes Autoritetit Kontraktor Ministria e Mjedisit dhe shoqërisë “Integrated Energy B.V. S.P.V.” sh.p.k,, me kosto të investimit të parashikuar në kontratën koncesionare në vlerën 128,248,330 Euro (njëqind e njëzet e tetë milion e dyqind e dyzetë e tetë mijë, e treqind e tridhjetë) pa TVSH, ka rezultuar se shtetasit Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, si dhe janë pronarët “de facto” të shoqërisë mëmë të saj, të themeluar në Hollandë, “Integrated Energy B.V”, ndryshuar më pas me emrin “Geogenix B.V”.

Nga provat e marra gjatë hetimit ka rezultuar se, shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Është evidentuar fakti se shtetasit Klodian Zoto dhe Mirel Mërtiri, janë personat që kanë udhëzuar dhe kanë marrë vendimet në lidhje me shoqërinë koncesionare “Integrated Energy B.V SPV” sh.p.k. dhe shoqërinë mëmë në Hollandë me emrin e mëparshëm “Integrated Energy B.V.”, aktualisht “Geogenix B.V.”, që përkon nga momenti i themelimit të këtyre shoqërive e në vijimësi”, thuhet ndër të tjera në njoftimin e SPAK.

Kështu konfirmohet ajo që CNA ka thënë prej kohësh, pronarë të inceneratorit të Tiranës janë Klodian Zoto dhe Mirel Mërtiri, të cilët kanë organizuar të gjithë skemën e një megaafere./ CNA.al





Lajmet e fundit nga