web counter
LEXO PA REKLAMA!

SHKARKO APP

App Store
Google Play

Kompania koncesionare EMS-APO vijon akuzat/ Autoriteti Portual i Durrësit na ka kufizuar aksesin

31 Korrik 2023, 18:29, Aktualitet CNA

Kompania koncesionare EMS-APO vijon akuzat/ Autoriteti Portual i Durrësit

Kompania koncesionare EMS-APO pretendoi paraditën e së shtunës se i është bllokuar aktiviteti i përpunimit të anijeve të mallrave rifuxho në terminalin Lindor të Portit të Durrësit.

Autoriteti Portual i Durrësit kundërshtoi kompaninë koncesionare, duke e akuzuar se po abuzonte me informacionin në përpjekje për të mbuluar faktin se është një prej shoqërive me performancën më të dobët.

Por këtë të hënë, EMS-APO ka dalë me një tjetër reagim, ku shprehet se i është cënuar dhe kufizuar aksesi në zonën e koncesionit.

Kompania deklaron se Autoriteti Portual duhet të kthehet në ligjshmëri duke çliruar zonat e koncesionit.

“I referohemi sqarimit që ka dhënë APD lidhur me ngjarjen e rëndë ndodhur më datë 29.07.2023.

Ndryshe nga sa pretendon APD, ajo ka cënuar dhe kufizuar aksesin e EMS APO në Zonat e Koncesionit. Siç mund të kuptohet nga fotot dhe dokumentet (të disponueshme për shkarkim më poshtë), zonat e të cilave APD pretendon se ato do të zhvillohen në rrjedhën e zhvillimit të projektit Durrës Marina & Yacht, janë, në fakt, pjesë e Zonës Koncesionare të EMS APO. APD ia ka dorëzuar këto zona të cilat sipas protokollit te dorëzimit të terminalit.

Blloqet e betonit që ka vendosur APD ndodhen brenda Zonës së Koncesionit tonë dhe kufizojnë lëvizjen e mjeteve tona dhe të klientëve tanë, pra aktivitetin koncesionar. Prezantimi i ngjarjes nga APD si ndërhyrje për të realizuar të drejta që burojnë nga ligji, është i pa vërtetë. Fakti është që APD më datë 29.07.2023 ka marrë me dhunë sipërfaqe nga Zonat e Koncesionit tonë, duke i pushtuar ato. Dhunimi i të drejtave koncesionare të EMS APO nga ana e APD-së është shpeshtuar pasi qeveria miratoi projektin Marina & Jahtet e Durresit.

Për sa i takon performancës së EMS APO, shoqëritë ndërkombëtare të cilat kanë realizuar projektet më të rëndësishme në Shqipëri e mendojnë ndryshe nga APD. Ato i kanë besuar profesionalizmit të EMS APO dhe ne nuk e kemi zhgënjyer asnjë herë besimin e tyre. Gjejmë rastin dhe për të ftuar përsëri APD që të kthehet në ligjshmëri duke çliruar zonat tona të koncesionit”, thuhet në deklaratë./ CNA.al





Lajmet e fundit nga