Mesazhi i Mirelit/ Portali i inceneratorëve në sulm ndaj Veliajt?

1 Gusht 2023, 21:02, Aktualitet CNA

Mesazhi i Mirelit/ Portali i inceneratorëve në sulm ndaj Veliajt? Një portal periferik hapur pak kohë më parë nga një prej gazetarëve (nën hetim) bashkëpunëtor kryesor i Mirel Mërtirit, ka reaguar pas sekuestrimit nga SPAK të kompanisë të landfillit dhe inceneratorit të Tiranës.

Në një shkrim me titull: SPAK sekuestroi inceneratorin e Tiranës, duke marrë kompetencat e autoritetit kontraktor, fillojnë variantet dhe levizjet e reja mediatike, deri tek justifikimet dhe pyetjet.
Pasi deri dje luajtën me tezën se i sulmonte Tigri apo Monika Kryemadhi, pasi dështuan në betejën e tyre për të mbuluar në heshtje aferën e shekullit, me shantazhe, kërcënime dhe blerje mediash, tani nga papagajtë që i financojnë lëshojnë pyetje.

Sipas zëdhënësit të Mertirit të strehuar në Top News-in e televizionit kombëtar të inceneratorëve:

Në njoftimin e SPAK shmanget, me apo pa qëllim ky detaj duke lënë pa përgjigje dy pyetje:

E para, kush është autoriteti kontraktor në koncesionin e inceneratorit të Tiranës dhe çfarë përmbajnë raportet e njësive të mbikëqyrjes së zbatimit të kontratës për këtë incenerator?

Cili është halli i Mirelit, Bashkia e Tiranës apo ministritë e linjës?

E në rast se i drejtohet bashkisë ky duket si një kërcënim publik për dy institucione, ashtu sicc u kërcënua dhe u shit nga shokët e tij Arben Ahmetaj, ky mos është një paralajmërim për Veliaj?

Teoria pas meje të bëhet qameti, ose më shpëtoni se ju morra me vete sot duket më e freskët se kurrë.

Duhet të presim dhe pak që të shohim deri ku do shkojë Mireli dhe banda e tij mediatike, nuk ka asnjë çudi të nxjerë ndonjë biletë avioni apo hoteli për ndonjë tjetër personazh politik, pa përjashtuar foto me dreka e darka me eksponetë të rëndësishëm politikë në vend.

Më tej sqaron, i gjithë njoftimi rrotullohet rreth dy emrave, Mirel Mërtiri dhe Klodian Zoto. Ai nuk thotë nëse procedura e zgjedhur për dhënien e këtij koncesioni është bërë në përputhje me ligjin, as që është e paligjshme dhe as përgjegjësit në rastin e dytë.
Më lart thekson: SPAK thotë se ka zbuluar pronarët realë të kompanisë koncesionare dhe citon Mirel Mërtirin dhe Klodian Zoton. Edhe tre kompanitë që janë vënë nën sekuestro, SPAK thotë se janë në pronësi të tyre.

Prokuroria e Posaçme i akuzon ata për falsifikim dokumentash dhe përfitim rimbursimi TVSH-je në shumën e 4 milionë eurove. Në fund, para sqarimit tradicional të njoftimeve të SPAK se gjithkush prezumohet i pafajshëm deri kur të shpallet fajtor, SPAK liston emra te tre kompanive të vendosura nën sekuestrim.

Ky është thelbi i njoftimit të prokurorisë së posaçme për këtë rast, që për dallim nga njoftime për akuza të ngjashme ku përfshihet korrupsioni nuk përmend asnjë autoritet shtetëror kontraktor, as autoritet shtetëror mbikëqyrës të kontratës dhe as përgjegjësitë e tyre.

Përpëlitjet janë normale sepse tani që kompania u sekuestrua nuk do marrin më para të paguhen media, pushime luksoze, chartera, jahte etj. por dhe jeta në Vjenë apo Tiranë.

Mesazhi i Mirelit/ Portali i inceneratorëve në sulm ndaj Veliajt?

SPAK ka thënë shumë pak nga mijëra faqe dosje hetimore për inceneratorin e Tiranës, hetim që përfshin jo vetëm pronarët, por është shumë më i gjerë.

Sot pas 6-të vite të kontratës koncesionarë në Tiranë, nuk ka incinerator, por edhe sikur të pranojmë tezën e kompanisë se duhet ndëruar deri në 2026, deri sot duhet të investoheshin gati 100 milionë euro ndërkohjë që kompania ka investuar vetëm 30 milionë sipas pretendimeve të saj, ndërsa sipas disa dokumentave flitet për vetëm 22 milionë euro investime.

Të ardhurat në 6 vite janë mbi 100 milionë euro dhe fitimi rreth 25, po pjesa tjetër ku shkoi?

Ka dhe shumë pyetje të tjera por atyre le t’ju përgjigjet SPAK, së bashku me telefonatat nga Vjenë që ndërtojë skenare e shkrime në Tiranë./ CNA