web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të naftës/ Bozdo: Vendet e BE-së dhe rajonit miratojnë paketa ndihme, qeveria jonë bën “show”

23 Mars 2026, 18:56, Aktualitet CNA

Rritja e çmimit të naftës/ Bozdo: Vendet e BE-së dhe

Opozita ka organizuar sot Foltoren e radhës para Kryeministrisë. Deputeti demokrat Eno Bozdo, gjatë fjalës së tij, në podiumin para qytetarëve foli edhe lidhur me rritjen e çmimit të naftës.

Bozdo tha se qeveritë e vendeve evropianë, për shkak të kësaj situate globale, kanë miratuar paketa ndihme për njerëzit, e ndërsa qeveria shqiptare nuk po bën asgjë.

Ai tha se çmimi i naftës është kaq i lartë vetëm për shkak se vendi jonë ka ngarkesën më të lartë fiskale në Evropë.

“Sot dua të flas për një temë që na prek të gjithëve. Na prek ne, prek familjet tona, prek ekonominë e këtij vendi. Sot dua të flas për atë që e ndjejmë të tërë çdo ditë, e vuajmë në kurrizin tonë. Çmimet e larta, çmimi i lartë i naftës, çmimi i lartë i produkteve ushqimore, veçanërisht në dy javët e fundit, shkaktuar nga kriza. Në javën e fundit, çdo ditë në mëngjes, çdo ditë në mesditë, çdo ditë në mbrëmje, kemi parë dhe kemi dëgjuar lajmet se si qeveritë e vendeve të rajonit, si qeveritë e vendeve evropiane miratonin paketa ndihme për njerëzit e tyre, për ekonomitë e tyre, për familjet e tyre. Se si të gjithë vendet e rajonit janë ulur seriozisht duke shqyrtuar çdo mundësi që kanë, çdo instrument që kanë për t'ia bërë jetën sa më të lehtë qytetarëve të tyre, familjeve të vendit të tyre, ekonomisë vendase. Por çfarë ndodh gjatë dy javëve apo 10 ditëve në Tiranë? Asgjë.

Një tallje e madhe, asnjë mbledhje qeverie, asnjë masë konkrete. Vetëm batuta të kryeministrit, vetëm shoë, takohet me bizneset dhe i thonë e mbani ju koston. Pastaj bën sikur do miratojë një bord. Pastaj thotë diçka tjetër dhe që andej hidhet në një vend tjetër. Asnjë masë konkrete. E ndërsa nafta sot ka kapur 2200 lekë të vjetra litrin, e ndërsa ushqimet bazë janë duke u rritur nga dita në ditë, ne nuk dimë asgjë, ne nuk kemi asgjë. Jemi qytetarët më të poshtëruar. Jemi më të shkelurit me këmbë. Jemi më të mospërfillurit. E gjitha kjo sepse qeveria që kemi, as nuk e vret mendjen, as për ne, as për njëri-tjetrin, po vetëm për veten e saj. Çmimi i naftës nuk është i lartë sepse dikush thjesht abuzon me të. Për këtë qeveria i ka të gjitha mundësitë. Mund të çojë, të bëjë inspektime, të kontrollojë. Çmimi i naftës dhe kjo i duhet thënë shqiptarëve, është se ne kemi ngarkesën më të madhe fiskale në Evropë e ndoshta në botë për të. 60-65% e çmimit të naftës i shkon mbrapsht me taksa qeverisë”, u shpreh Bozdo. /CNA





Lajmet e fundit nga