web counter
LEXO PA REKLAMA!

SHKARKO APP

App Store
Google Play

E fundit!

x

Realiteti i ri politiko-sadushian/Prezumim i pafajësisë edhe eksponentët e krimit të organizuar!

16 Mars 2026, 17:05, Aktualitet CNA

Së fundmi na është dhënë një leksion i ri juridik nga kryeministri Rama dhe gazetarët e paguar nga Erion Veliaj, por disa avokatë të krimit dhe shërbëtorë të tjerë pushteti, apo të pandehur të SPAK.

Sipas tyre për të respektuar prezumimin e pafajësisë, nuk duhen arrestuar zyrtarët nën hetim dhe rasti Veliaj quhet shkelje e të drejtave, lobohet në Senat e Kogres, shkrime me pagesë në media, sulme dhe akuza, çfarë nuk është gatuar këto kohë ndoshta dhe "rastësisht". Por le ta shohin të vërtetën në sy.

Parimisht, askush nuk ka problem me prezumimin e pafajësisë. Ai është një gur themeli i çdo shteti ligjor. Por me sa duket, në interpretimin e ri politik dhe mediatik, ky parim paska një kuptim edhe më revolucionar (si themel i së majtës): nëse dikush është i pafajshëm derisa të dënohet, atëherë pse të arrestohet?

Duke ndjekur këtë logjikë të ndritur politike, ndoshta duhet të bëjmë një hap edhe më tej. Pse të arrestohen eksponentët e krimit të organizuar? Edhe ata, në fund të fundit, janë të pafajshëm derisa të ketë një vendim të formës së prerë. Pra, për koherencë juridike, edhe ata duhet të hetohen të lirë, derisa të vijë dita e gjykimit. Kështu do kënaqej edhe ish-ministri opozitar i Ramës, tashmë i Rilindur, Ylli Manjani.

Vetëm se këtu lind një konfuzion i vogël, që çuditërisht, i ka shpëtuar këtij interpretimi të ri: prezumimi i pafajësisë është një parim që lidhet me fajësinë, ndërsa paraburgimi është një masë sigurimi që lidhet me rrezikun për të prishur provat, për të ndikuar dëshmitarët apo për t’u larguar nga drejtësia.

Por ndoshta këto janë hollësi teknike të bezdisshme të Kodit të Procedurës Penale të Shqipërisë, që Sokol Sadushi i di mirë, por ka dalë partizan duke e lëshuar veten fare po fare fare, se disa kohë e mbajti mirë. Çfarë ka ndodhur do e shpjegojmë në ditët në vijim.

Që të jemi të qartë deri në fund, në realitetin e ri politik, duket se është shumë më e thjeshtë: nëse arrestimi shqetëson pushtetin, atëherë problemi nuk është korrupsioni, problemi është se drejtësia po e kupton ligjin gabim./CNA





Lajmet e fundit nga