E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Avokati i krimit: Mos arrestoni hajdutë dhe kriminelë

16 Mars 2026, 11:21, Aktualitet CNA

Avokati i krimit, Ylli Manjani, ka “lajthitur” sërish, duke bërë thirrje këtë herë që të mos arrestohen hajdutët e kriminelët.

Por “çmenduria” e avokatit që mbron bandat dhe grupet kriminale në SPAK, shkon deri aty sa thotë se nuk e do as anëtarësimin në Bashkimin Europian, vetëm të mos ketë arrestime të hajdutëve dhe kriminelëve.

Ushtari i kryebashkiakut të arrestuar të Tiranës, Erion Veliajt, Ylli Manjani, “budallepset” në postimet e tij vetëm për të mbrojtur atë që nuk mbrohet dot.

Për avokatin e krimit nuk ka asgjë rëndësi, as anëtarësimi europian i vendit, vetëm dhe vetëm që të mos preken hajdutët dhe kriminelët.

“Bllokimi i arrestimit ndaj Belinda Ballukut duhet të jetë fillimi dhe jo fundi i një ndërhyrje të domosdoshme që duhet bërë në drejtësinë penale.

Padyshim që nuk shkon fare që Parlamenti të marrë vendim vetëm për anëtarët e vet. Parlamenti presupozohet të marrë vendime për të gjithë të tjerët në radhë të parë. Ndaj nuk shkon fare që marrin vendim për Belindën dhe heshtin për të tjerët!!!

Kujtoj përsëri (kam vite që e bëj) se:

Arresti me burg në Shqipëri është në kulmin e përdorimit abuziv të tij.

Tani, sa i takon teorisë se duke ndërhyrë për të ndaluar këtë praktikë abuzive do na bllokohen negociatat, mendoj se:

Kurrë mos vijofshin! Nëse qenka kusht për anëtarësim në BE burgosja kuturu e njerëzve, për t'u bërë qefin turmave, nuk e dua këtë anëtarësim! Këtë mendim e kam patur, e kam e do ta kem sa të kem frymë.

Por, bindja ime është se kjo që sugjeron teoria në fjalë është spekulim dhe se nuk bazohet në realitet. Askund në BE nuk ndodh kjo që ndodh tek ne me burgosjen e njerëzve pa ua provuar më parë fajsinë e tyre nga një gjykatë që nuk kontrollohet nga prokuroria!

Askund në hapërisën demokratike nuk bëhen arrestime për të kënaqur turmat, sepse nuk do quhej demokraci, por talebanizëm!

Nuk jam në dijeni që BE nxit e sugjeron talebanizma akund! Ndaj dhe teoria që duhet të arrestojmë sa më shumë që të hyjmë në BE, nuk ka kuptim. Por edhe sikur të ketë, prap po e përsëris, më mirë jo në këtë lloj BE-je!

Nuk ka ndodhur asnjë hata më shumë se ç'ndodh në vetë vendet e BE, me imunitetin e Belindës. Rasti i kryeministrit Çek është më i freskët. Madje ky i fundit e kishte akuzën për fondet e BE. Por kjo e fundit as gëk e as mëk bëri. Aq më pak pati deklarata ambasadash në Pragë që të komentonin vendimin e parlamentit atje...

Nejse, se historia është e gjatë dhe nuk mbaron, por Parlamenti i Shqipërisë ende nuk ka bërë asgjë për të ndaluar proçedimet abuzive dhe veçanërisht burgosjet pa prova.

Nuk ekziston asnjë standard demokratik që paraburgosja të shndërrohet në masë dënimi paraprak!!!

Parlamenti ende nuk ka bërë asgjë për të vendosur gjykatën e paanëshme dhe të për të rritur garancitë procedurale që ndalojnë abuzimet ndaj shtetasve të vet.

Nëse parlamenti do mjaftohej vetëm me ndalimin e arrestit të Belindës, do ishte padrejtësia më e madhe që i bëhet këtij vendi”, shkruan Manjani. /CNA