LEXO PA REKLAMA!

SHKARKO APP

App Store
Google Play

Pse heshtin mercenarët e Irfanit për hotelin që po prishet në jug

9 Dhjetor 2022, 16:28, Aktualitet CNA

 

Pse heshtin mercenarët e Irfanit për hotelin që po prishet
Fotomontazh - Monika Kryemadhi, Alfred Peza, Ervin Salianji, Petrit Vasili dhe Irfan Hysenbelliu

Pas shembjes së “Prestige Resort”, një tjetër hotel me 5 kate po shembet në jug të Shqipërisë.

IKMT ka shkuar dhe ka vendosur tritolin për të bërë shpërthimin e kontrolluar, por asnjë kamera nuk ka shkuar në vendngjarje.

Asnjë njeri nuk ka dalë asnjëri të flasë deri më tani dhe asnjë media nuk e ka transmetuar shembjen e hotelit 5 katësh.

Ndryshe nga sa pamë te rasti i ndërtesave pa leje të Irfan Hysenbelliut, ku eksponentë të opozitës, analistë dhe gazetarë u bënë vasalë të një pronari mediesh dhe bërtisnin ditë e natë kundër qeverisë, për shembjen e radhës së IKMT-së nuk po dëgjohet askush.

As Ervin Salianji nuk ka shkuar në vengjarje, as Alfred Peza, as Petrit Vasili, as Monika Kryemadhi dhe për më tepër as televizioni i Irfanit nuk e transmeton.

Opozita me sa standarde është?

Për shembjen e hotelit të Irfan Hysenbelliut të gjithë dolën dhe mbrojtën paligjshmërinë. Sot mediat heshtën, heshtën edhe ata gazetarë, analistë e politikanë që e quanin sulm ndaj medias shembjen e godinave pa leje.

Për Irfanin na u prishka turizmi dhe u vunë në rresht nga i pari tek i fundit të tërë, për turp si mercenarë.

Pse heshtin mercenarët e Irfanit për hotelin që po prishet
Fotomontazh - "Prestige Resort" në momentin e shembjes dhe Irfan Hysenbelliu

Për qytetarin që po i shembet godina, hoteli me pesë kate, nuk flasin, nuk ekziston kjo për ta.

Tek Irfani flasin se ai ka televizon, ka “News 24”, ndërsa qytetari në Sarandë, nuk ka “News 24”.

Për më tepër as “News 24” nuk e transmeton, nuk shkon në vendngjarje.

Përse heshtin sot këta që deri dje vajtonin dhe shkulnin flokët për godinat pa leje të Irfanit? Kjo është pyetja që sot duhet të bëjmë të gjithë.

Demokraci dhe sulm ndaj medias kur prishet hoteli i Irfanit për të tjerët s’ka rëndësi. Kjo është opozita që duam dhe standardet e saj?/ CNA.al

Lajmet e fundit nga