web counter
LEXO PA REKLAMA!

SHKARKO APP

App Store
Google Play

Dashnor Sula, në turmën e vasalëve/ Ankohet për ndërtimet pa leje të Hysenbelliut

1 Dhjetor 2022, 19:32, Aktualitet CNA
Dashnor Sula, në turmën e vasalëve/ Ankohet për
Deputeti i Partisë Demokratike, Dashnor Sula

Deputeti i Partisë Demokratike, Dashnor Sula, është bërë pjesë e vasalëve që kanë dalë në mbrojtje të Irfan Hysenbelliut, për prishjet e ndërtimeve pa leje të këtij të fundit.

Me anë të një statusi në rrjetet sociale, Sula është ankuar për aksionin e IKMT-së dhe ka kërkuar që të ndalet prishja e ndërtimeve pa leje të pronarit të medieve.

“Të shmangen veprimet e njëanshme dhe të bëhet transparencë.

Në krye të tri muajve, në një nga resortet e bregdetit u rikthyen fadromat e IKMT. Nuk jam në dijeni të plotë me situatën juridike të resortit, por fakti që pronari i atij kompleksi turistik është pronar i një grupi mediatik serioz dhe objektiv dhe fakti që IKMT rikthehet pas tri muajsh në të njëjtin vend krijon dyshime të arsyeshme se kemi të bëjmë me një presion ndaj linjës editoriale të medias.

E në fakt kjo nuk i duhet aspak Shqipërisë që ka prespektivë Evropiane.

Për të shmangur të gjitha paragjykimet dhe për të evidentuar një gjobitje të mundshme të shtetit shqiptar në gjykatat ndërkombëtare, është e udhës që institucionet shtetërore të mos marrin vendime të njëanshme, por të presim të flasë drejtësia. Në një vend ku nuk mbizotëron shteti ligjor por arbitrariteti nuk mund të flitet me për demokraci”, thekson ai./ B.A. – CNA.al





Lajmet e fundit nga