LEXO PA REKLAMA!

SHKARKO APP

Marrëveshja e sigurimeve shoqërore me Zvicrën/ Hado: Do të njihen të gjitha kontributet e paguara

9 Dhjetor 2022, 13:40, Aktualitet CNA
Marrëveshja e sigurimeve shoqërore me Zvicrën/ Hado: Do të
Drejtori i përgjithshëm i Institutit të Sigurimeve Astrit Hado

Drejtori i përgjithshëm i Institutit të Sigurimeve, Astrit Hado, ka deklaruar se nga marrëveshja për sigurimet shoqërore me Zvicrën mund të përfitojnë rreth 3200 shqiptarë që punojnë në Zvicër.

Hado bën me dije se nga marrëveshja njihen të gjitha kontributet e paguara në Zvicër nga qytetarët shqiptarë si dhe kontributet e qytetarëve zviceranë në Shqipëri.

Në një intervistë me Sibora Bitrin, Hado tha se jemi shumë pranë marrëveshjes me Italinë ndërkohë që ka përfunduar marrëveshja me Kroacinë.

Marrëveshja është me afat të pacaktuar, kështu që do të vlejë edhe për ata që kanë punuar në të kaluarën si dhe për të ardhmen.

Ai kujtoi se, marrëveshja nuk mbulon ata persona që marrin asistencë sociale, ose trajtohen me ndihmë ekonomike, mbulon vetëm punëtorët që punojnë në mënyrë të ligjshme dhe paguajnë kontributet.

“Sigurisht duke paguar kontributet, duhet të kesh një periudhë të caktuar sigurimi, 15 vjet, kaq e ka dhe Shqipëria, shpeshherë qytetarët nuk i plotësojnë vitet e pensionit, nuk i plotësojnë kriteret në asnjë vend, prandaj këtu hyn në punë marrëveshja”, u shpreh Hado./ CNA.al

Lajmet e fundit nga