web counter
LEXO PA REKLAMA!

SHKARKO APP

App Store
Google Play

Protesta në Divjakë/ Berisha: I thyen turinjtë mafies së Ramës

17 Nëntor 2022, 15:46, Aktualitet CNA
Protesta në Divjakë/ Berisha: I thyen turinjtë mafies së
Kreu i PD-së, Sali Berisha

Kreu i PD-së, Sali Berisha, ka shprehur mbështetjen e tij  për protestuesit e Divjakës. Në fjalën e tij në Kuvend, Beirsha tha se me guxim i thyen turinjtë mafies së kryeministrit Edi Rama.

“Dua të japë një mbështetje dhe përshëndetje për banorët e Divjakës që me guximin e tyre i thyen turinjtë mafies së Edi Ramës. I përmbysën traunë antiligjor dhe antiqytetar në rrugën e tyre shekullore. Nderim të madh për ju. Opozita do qëndrojë prapa çdo shqiptari që ka një kauzë të drejtë”, është shprehur Berisha.

Ndër të tjera Berisha foli edhe mbi procesin e integrimit të Shqipërisë në BE.

“Sot flitet këtu për integrimin europian. E vërteta është se ky proces në tërësinë e tij për normat, ligjet, standardet që zbaton në këtë vend duhet të sjellë gjithmonë më shumë Europë. Ka ndodhur ajo që është më e rënda. Për fat të keq, Shqipëria çdo ditë, çdo javë dhe muaj është shndërruar në një eksportues të frikshëm të krimit në Europë. Shqipëria e etiketuar nga DASH si epiqendër operacionale kriminale të Europës, Amerikës së Veriut, Jugut, po eksporton gjithnjë e më shumë drogë, krim, para të pista. Ajo sot me indeksin më të lartë të ndërtimit në Europë, që tejkalon me 3 herë indeksin e ndërtimit në vendet nordike, është shndërruar me çmimet më të larta, e treta më e lartë në Europë për apartamentet. Është kthyer në vrimën e zezë të larjes së parave të pista në Europë. Emërimet që bëni kanë krimin dhe drogën si kriter themelor. Kjo është e vërteta. Integrimi nënkupton më shumë përgjegjshmëri përpara ligjit”, vijoi më tej Berisha./ CNA.al





Lajmet e fundit nga