web counter
LEXO PA REKLAMA!

SHKARKO APP

App Store
Google Play

E fundit!

x

“Protesta çarmatosi Ramën”/ Muçollari: Nëse të hiqen armët mbetesh lakuriq

19 Qershor 2026, 18:19, Aktualitet CNA

“Protesta çarmatosi Ramën”/ Muçollari: Nëse

Anëtari i Kryesisë së Partisë Demokratike, Grigels Muçollari, deklaroi se protestat që po zhvillohen kanë arritur të godasin armën më të fortë të qeverisë, propagandën duke e cilësuar si mjetin kryesor që sipas tij përdorej nga kryeministri Edi Rama.

Muçollari u shpreh se protesta duhet të arrijë rezultatet maksimale, duke përfshirë dorëheqjen e kryeministrit, zhvillimin e zgjedhjeve të parakohshme dhe ngritjen e një qeverie teknike.

Sipas tij, suksesi i protestës do të shërbente si një mesazh për çdo qeveri se duhet të tregojë kujdes ndaj reagimeve dhe pakënaqësive të qytetarëve.

Ai theksoi se arritja e parë e protestës ishte “çarmatosja” e qeverisë nga propaganda, duke pretenduar se kryeministri reagoi me panik dhe tentoi të ndërtonte narrativa të ndryshme për të ndarë opinionin publik.

Më tej, ai akuzoi Ramën për arrogancë dhe tha se sjellja e tij tregon pasiguri përballë reagimit qytetar.

“Nëse protesta ka sukses të plotë në cdo moment qeveritë do kenë kujdes nga reagimet e qytetarëve. Është ethshme që kjo protestë të ketë rezultatet maksimale, është e nevojshme të arrihet dorëheqja e kryeministrit, të shkojmë në zgjedhje të parakohshme dhe në qeveri teknike.

Arritja e parë që bëri protesta ishte çarmatosja nga arma e tyre më e fortë që ka qenë propaganda.

Ishte në panik. Ndërtoi disa teza që të ndajë opinionin publik. Gjithë kohës tentoi por nuk i eci. Entuziasmi që ka dhënë kjo protestë ishte shumë më njerëzore e ndjeshme dhe e fortë.

Tani mesa duket ka zgjedhur tezën tjetër për të treguar arrogancën. Ka dalë nga binarët nga paniku që karakterizon një autokrat. Nëse të hiqen armë mbetesh lakuriq. Rama sot ka përballë opinionin e gjerë publik”, tha Muçollari./ CNA





Lajmet e fundit nga