web counter
LEXO PA REKLAMA!

SHKARKO APP

App Store
Google Play

E fundit!

x

Projekti "Durrës Marina"/ Malltezi: Tri mënyrat se si mund të ndalohet

27 Prill 2026, 09:28, Aktualitet CNA

Projekti "Durrës Marina"/ Malltezi: Tri mënyrat se si mund

Drejtuesi i Departamentit të Mjedisit në Partinë Demokratike, Jamarbër Malltezi, ka komentuar projektin “Durrës Marina”, duke deklaruar se, sipas tij, ai mund të ndalet përmes disa rrugëve institucionale dhe qytetare.

Malltezi u shpreh se një nga mënyrat, sipas tij, është angazhimi i qytetarëve të Durrësit dhe ushtrimi i presionit ndaj Këshillit Bashkiak për rrëzimin e projektit.

Ai shtoi se pushteti vendor ka rol vendimtar në planifikimin dhe kontrollin e territorit, duke theksuar se çdo vendim në këtë nivel mund të ndikojë në fatin e projektit.

Si opsion të dytë, Malltezi përmendi Gjykatën Kushtetuese, duke pretenduar se projekti mund të kundërshtohet ligjërisht nëse, sipas tij, janë shkelur marrëveshje ndërkombëtare si Marrëveshja e Stabilizim-Asociimit me Bashkimin Europian dhe Konventa e Aarhusit.

Së treti, ai përmendi mundësinë e një referendumi vendor, duke argumentuar se qytetarët e Durrësit duhet të pyeten përmes votës për fatin e projektit.

“Shiko, porti i Durrësit ka mundësi të shpëtohet. Si ka mundësi të shpëtohet? E para, duke u ngritur qytetarët e Durrësit, duke i bërë presion Këshillit Bashkiak të Durrësit ta rrëzojë këtë si projekt.

Të kemi parasysh, ndonëse Sulltani në Tiranë e ka miratuar si projekt, në fund fare, planifikimi dhe kontrolli i territorit është tagër i pushtetit vendor. Dhe pushteti vendor në Durrës është Këshilli Bashkiak. Pra, në rast se do të arrijnë qytetarët e Durrësit t'i bëjnë presion Këshillit Bashkiak, ky projekt nulifikohet, pra bëhet nul dhe rikthehet në gjendjen e mëparshme. Së dyti, ky projekt mund të bëhet nul dhe i gjithë porti i Durrësit të shpëtojë, në rast se Gjykata Kushtetuese do të ketë shtetarë dhe jo lapangjozë.

Në rast se do të ketë shtetarë, të cilët duan të respektojnë ligjin, atëherë mjafton t'i shkohet një padi në Gjykatë Kushtetuese për t'i thënë që qeveria, për fat të keq, ka cenuar dy marrëveshje ndërkombëtare, në të cilën Shqipëria është palë dhe duhet t'i respektojë, siç është, një, MSA-ja, dy, Konventa e Arhausit.

Të dyja këto, Shqipëria i ka ratifikuar, për pasojë janë ligjërisht të lidhshme, dhe prevalojnë ndaj ligjeve shqiptare. Po të kemi parasysh që projekti i Alabbarit, Edi Rama e ka bërë si ligj me ligj të posaçëm, ligj privat, nominativ, por gjithsesi, marrëveshjet ndërkombëtare prevalojnë ndaj ligjeve vendore.

Ndaj, në rast se shkon në Gjykatë Kushtetuese dhe tregohet që janë shkelur qoftë Konventa e Arhausit, qoftë marrëveshja e stabilizim-asociimit me Bashkimin Europian, këto prevalojnë dhe projekti normalisht duhet të nulifikohet, pra të anulohet.

Së treti, se si mund të anulohet kjo, do të ishte përmes referendumit vendor. Qytetarët e Durrësit kanë të drejtë të kërkojnë një referendum vendor. S'jemi pyetur, s'na ka bërë askush një dëgjesë publike, për pasojë, ne kemi dyshimet tona, ne nuk besojmë që kjo është mënyra më e mirë për të zhvilluar qytetin tonë, ndaj ne duam referendum vendor.

Në referendum vendor, në rast se duan ta mbajnë, mund ta mbajnë, në rast se duan ta rrëzojnë, e rrëzojnë. Pra, këto janë tri mënyrat e vetme në të cilat porti i Durrësit mund të shpëtojë”, tha Malltezi./ CNA





Lajmet e fundit nga