web counter
LEXO PA REKLAMA!

SHKARKO APP

App Store
Google Play

E fundit!

x

Miratohet projektbuxheti i vitit 2024/ 11 miliardë lekë për rritjen e mëtejshme të pagave

27 Tetor 2023, 18:19, Aktualitet CNA

Miratohet projektbuxheti i vitit 2024/ 11 miliardë lekë për

Pas mbledhjes së Këshillit të Ministrave, ministri i Financave, Ervin Mete ka bërë me dije se është miratuar projektbuxheti i vitit 2024.

Mete tha se projektbuxheti prashikon një fond prej 11 miliardë lekësh për rritjen e mëtjeshme të pagave, për mjekët, infermierët, mësuesit e të tjerë.

“Synojmë të jemi një nga destinacionet kryesore në rajon sa i përket turizmit duke synuar të ofrojmë punësim cilësor dhe paga të larta.

Projektbuxheti 2024 i përgjigjet kësaj ambicie duke mbështetur rritjen e pagave dhe duke bërë të mundur që brenda vitit 2024 të realizohen duke arritur pagën mesatare 900 euro në muaj.

Projekt buxheti parashikon një fond për 11 miliardë lekësh për rritjen e mëtejshme të pagave të mjekëve, infermierëve dhe punonjësve të tjerë të shëndetësisë, mësuesve në arsimin parauniversitar, forcave të rendit, mbrojtjes dhe nivelet zbatuese të administratës qëndrore dhe vendore.

Në total efekti i përgjithshëm në buxhet për financimin e kësaj reforme madhore në sistemin e pagave ka vlerën e 39 miliardë lekëve.

Gjtihashtu financohet indeksimi i pensioneve i cili në dy vitet e fundit shkon në shifrën e 25 miliardë lekëve. Vijon mbështetja për mbrojtjen sociale dhe shtresat në nevojë duke alokuar rreth 33 % pra 1/3 e shpenzimeve të përgjthshme publike për skemën e pensioneve, ndihmën ekonomike, pagesën e paaftësisë, asistencën sociale, ish të përndjekurit e të tjerë”, tha Mete./ CNA





Lajmet e fundit nga