LEXO PA REKLAMA!

SHKARKO APP

Jep dorëheqjen drejtori i paraburgimit të Vlorës

27 Tetor 2023, 14:33, Aktualitet CNA

Jep dorëheqjen drejtori i paraburgimit të Vlorës

Engjëllush Avdulaj, drejtori i paraburgimit të Vlorës, ka dhënë dorëheqjen.

Avdulaj, me anë të një letre drejtuar ministrit të Drejtësisë, Ulsi Manjës dhe drejtorit të Përgjithshëm të Burgjeve, Admir Abrija, ka dhënë dorëheqjen e parevokueshme.

Shkak i dorëheqjes është një ofertë nga sektori publik, të cilën ai ka vendosur ta pranojë.

“Unë Engjëllush Avdulaj, jam emëruar në detyrën e Drejtorit të IEVP – Vlorë në datë 02.02.2021. Aktualisht ndodhem përpara një oferte nga sektori publik e cila është një sfidë e re për karrierën time profesionale.

Me keqardhje ju njoftoj se unë kam vendosur ta pranoj këtë kapërcim profesional të një niveli tjetër dhe për këtë arsye po ju paraqes dorëheqjen time të parevokueshme nga detyra e Drejtorit të IEVP – Vlorë. Duke ju përshëndetur ju dhe gjithë stafin e Drejtorisë së Përgjithshme të Burgjeve për kohën e punës dhe bashkëpunimin”, thuhet në letrën e Avdulajt./ CNA

Lajmet e fundit nga