web counter
LEXO PA REKLAMA!

SHKARKO APP

App Store
Google Play

Procesi i integrimit europian/ Tabaku, vizitë në Maqedoninë e Veriut

6 Qershor 2023, 11:26, Aktualitet CNA

Procesi i integrimit europian/ Tabaku, vizitë në Maqedoninë e

Kryetarja e Komisionit të Çështjeve Europian, Jorida Tabaku, ishte në një vizitë në Maqedoninë e Veriut për të marrë pjesë në takimin e parë mes tri komisioneve të çështjeve të Integrimit Europian.

Pas takimit me kryetarin e Komunës Tetovë dhe njëkohësisht kryetarin e Lëvizjes Besa, zotin Kasami, ajo vazhdoi turin e takimeve në Shkup. Në qendër të agjendës ishin takimet me faktorin politik shqiptar ku në fokus ishte procesi i integrimit Europian dhe lidhja mes shteteve ku jetojnë shqiptarët.

Gjatë takimit të mbajtur në sallën Trajkovski në parlament Tabaku u shpreh në lidhje me rëndësinë e procesit të integrimit dhe praninë e këtij procesi te qytetarët.

Ajo theksoi faktin se procesi integrimit është realisht transformues kur qytetarët përfitojnë prej tij.

Pjesë të takimeve ishte dhe kryetari kuvendit Talat Xhaferri dhe zv.kryeministri Grubi me të cilin u diskutua lidhjet infrastrukturore mes Shqipërisë dhe Maqedonisë së Veriut. Tabaku theksoi se në fushën e investimeve të huaja Maqedonia e Veriut është më përpara Shqipërisë duke përthithur më shumë investime.

Me kryetarin e BDI, Ali Ahmetin, takimi u fokusua në ndryshimet e kërkuara kushtetuese të Maqedonisë së Veriut dhe interesin e rajonit në procesin e integrimit. Të dyja palët ranë në dakordësi se integrimi i rajonit është jetik dhe i domosdoshëm duke parë rrezikun rus që është krijuar në rajon që pas agresionit rus të Ukrainës.

Në fund të agjendës Tabaku u takua edhe me deputetët e VRMNO-së, me të cilët diskutoi çështjet mbi ndryshimet kushtetuese dhe proceset e integrimit.





Lajmet e fundit nga