web counter
LEXO PA REKLAMA!

SHKARKO APP

App Store
Google Play

Opozita paralajmëroi grevë urie/ Akademiku Fuga: Nuk ka arsye pse të shtyhen në dyert e parlamentit

6 Nëntor 2023, 18:20, Aktualitet CNA
Opozita paralajmëroi grevë urie/ Akademiku Fuga: Nuk ka arsye pse
Akademiku Artan Fuga

Akademiku Artan Fuga ka deklaruar se nëse opozita po planifikon të mbajë grevë urie, nuk është e nevojshme që të shtyhen në dyert e parlamentit.

Gjatë një interviste Fuga është shprehur se rruga e veprimit fizik që ka zgjedhur së fundi opozita ka disa probleme.

Ai thekson se problemi qëndron se opinioni publik është bërë indiferent ndaj politikës dhe nëse opozita do të sillte në shesh 50 apo 100 mijë veta nuk do të kishin nevojë të shtyheshin në parlament.

 “Të shkosh në grevë urie nuk ke nevojë të shtyhesh në dyert e Parlamentit. Aty do të shikojmë se si do shkojmë. Këtu ku jemi. E para sigurisht, kërkesat e opozitës janë të drejta. Por, kjo rrugë e veprimit fizik ka disa probleme. Ai manifeston, është një shenj. Opinioni publik është bërë indiferent ndaj politikës. Nëse opozita do të sillte në shesh, 100 apo 50 mijë veta nuk do të bënte këto veprime. Opinioni publik si të thuash është i mpirë. Shqiptarët mund të jenë kritik ndaj qeverisjes, por ka një mpirje të trupës elektorale për të qenë aktive.

E dyta ne jemi në një situatë gjeopolitike, historike që është ndryshe nga ai i ‘97-s. Shenjat e kësaj gjuhe fizike janë shumë të zbutura dhe sigurisht duhet të jenë të kënaqur që nuk është më situata e 25 viteve më përpara por nga ana tjetër themi që këto kode të sotme, kjo gjuhë trupore nuk duhet të eci me iluzionin e atyre viteve të mbrapshta.

Ajo kohë ka mbaruar. E treta, ne kemi një gjendje ku opozita me këto veprime, në fakt ndodhet përpara një problemi që ka qenë edhe në grevën e urisë së deputetëve socialistë në vitin 2011 dhe unë kam mbajtur të njëjtin qëndrim edhe atëherë. Kur deputeti ndërhyn fizikisht, bën dy kapërcime të statusit të vet.

Deputeti është një figurë simbolike, që është përfaqësuese. E dyta, deputeti është një qenie që vepron me ndërgjegje, me anë të argumentit juridik", ka thënë Fuga./ CNA





Lajmet e fundit nga