LEXO PA REKLAMA!

SHKARKO APP

Mbi 5000 viktima nga përmbytjet në Libi/ Begaj, mesazh ngushëllimi

13 Shtator 2023, 08:21, Aktualitet CNA

Mbi 5000 viktima nga përmbytjet në Libi/ Begaj, mesazh

Presidenti i Shqipërisë, Barjam Begaj ka përcjellë mesazh ngushëlimi për të gjithë familjarët e viktimave në Libi, të shkaktuar nga përmbytjet si pasojë e stuhisë Daniel, e cila ka përmbytur edhe shtetin fqinj Greqinë.

“Mendimet dhe lutjet tona janë me popullin e Libisë gjatë kësaj kohe të vështirë. I shpreh ngushëllimet e mia të përzemërta familjeve që kanë humbur të dashurit për shkak të ndikimit shkatërrues të stuhisë Daniel në Libinë lindore”, shkruan Begaj në Twitter.

Më shumë se 5,000 njerëz supozohen të vdekur dhe 10,000  të tjerë rezultojnë të zhdukur pasi shirat intensive në Libinë verilindore shkaktuan shembjen e dy digave, duke shtuar më shumë ujë në zonat tashmë të përmbytura.

“Në qytetin lindor Derna, i cili është më i prekuri nga përmbytjet, rreth 6,000 njerëz mbeten të zhdukur”, tha Othman Abduljalil, ministër i shëndetësisë në administratën lindore të Libisë, për Almasar TV të Libisë. Ai e quajti situatën "katastrofike", kur vizitoi qytetin të hënën.

“Spitalet në Derna nuk janë më të operueshme dhe morgjet janë plot”, tha Osama Aly, zëdhënës i shërbimit të urgjencës dhe ambulancës.

“Trupat e pajetë janë lënë jashtë morgjeve në trotuare”, tha ai për CNN./ CNA

Lajmet e fundit nga