E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Martinaj është peng, u vra apo e inskenoi zhdukjen?/ Dyshime mbi heshtjen e Policisë dhe Prokurorisë

30 Gusht 2022, 11:47, Aktualitet CNA

Martinaj është peng, u vra apo e inskenoi zhdukjen?/ Dyshime mbi

Zhdukja e Ervis Martinajt ka pushtuar mediat që prej 11 gushtit.

Nuk ka ditë që në media të mos hidhen versione të ndryshme.

Ka zëra që thonë se është vrarë, trupi i tij është ndarë në 6 pjesë apo që është marrë peng dhe po lutet për ta liruar.

Versionet janë të ngjashme me një skenar filmi triller, por zyrtarisht nuk ka asnjë reagim.

Policia hesht, ndërkohë që një efektiv i forcave operacionale u arrestua se kishte ndihmuar Martinajn, ndërsa ishte në kërkim.

Madje ditët e fundit para se ai të raportohej në media si i zhdukur, oficeri i policisë Jeton Lami, kishte shoqëruar Martinajn nga Tirana në një hotel Durrës, por dhe anasjelltas.

Nga ana tjetër flitet se janë dhe dhjetëra efektivë policie apo zyrtarë të lartë të Policisë së shtetit që janë paguar nga Martinaj për të mbrojtur atë.

Por, as nga Prokuroria dhe as nga Policia, nuk ka asnjë deklaratë zyrtare për këtë rast.

Policinë e prokurorinë e ndeshim te raportimet e gazetarëve të kronikës së zezë, të cilët iu referohen si burime.

Të ashtuquajturat burime nga Policia dhe Prokuroria hedhin në media versione nga më të ndryshmet për zhdukjen e Ervis Martinajt.

Njëherë thonë që është në Dubai, më pas thonë se ka shkuar në Vlorë për të lidhur aleanca të reja kriminale, pas elimiminit të disa pjesëtarëve të grupit të tij.

Martinaj është peng, u vra apo e inskenoi zhdukjen?/ Dyshime mbi

Më tej vijojnë me versionin që i është ngritur kurth nëpërmjet një personi të afërm me të, nga grupet rivale që më pas e kanë vrarë në Vorë dhe se trupi i tij është ndarë në 6 pjesë.

Sikur të mos mjaftonin këto versione, të ashtuquajturat burime nga policia dhe prokuroria nuk ndalen.

Së fundmi thuhet se është marrë peng dhe se janë dërguar 50 milionë euro për lirimin e tij.

Nga ana tjetër flitet për biznesmenë e politikanë që fërkojnë duart për zhdukjen e tij, dhe në radhët e policisë, disa janë përfshirë nga ethet se nga dita në ditë mund të dalin zbuluar nga oficeri i operacionales, tashmë i arrestuar Jeton Lami.

Thuhet dhe çfarë nuk thuhet, vetëm nga organet që janë kompetente asgjë nuk thuhet.

Ata heshtin duke ngritur kështu dyshime se po përpiqen të manipulojnë opinionin publik në lidhje me këtë ngjarje, me anë të hedhjes në media të versioneve të ndryshme për zhdukjen e Martinajt./CNA.al