web counter
LEXO PA REKLAMA!

SHKARKO APP

App Store
Google Play

E fundit!

x

Skandali-SHISH ka informacione/ Mediat shqiptare paguhen nga rusët?

29 Gusht 2022, 11:41, Aktualitet CNA
Skandali-SHISH ka informacione/ Mediat shqiptare paguhen nga rusët?
Foto ilustruese

Gazetarët shqiptarë po hetohen për sponsorizim nga Rusia pas përpjekjeve për të intervistuar miq të rusëve të kapur në Gramsh pas incidentit të ndodhur në uzinë.

Lajmi është bërë me dije nga gazetari Muhamed Veliu i cili në një kronikë sugjeron se Shërbimi Informativ i Shtetit (SHISH) ka informacione mbi sponsorizimin e intervistave të rusëve në median shqiptare.

Sipas kësaj kronike, prokurorët, Drejtoria e Antiterrorit dhe SHISH “po analizojnë me kujdes përpjekjen e sponsorizuar nga Rusia javën e shkuar”, për t’u intervistuar nga media shqiptare miqtë e familjarët e dy rusëve të arrestuar në Gramsh, Svetlana Timofeeva dhe Mikhail Zorin.

Emrat e gazetarëve që kanë sjellë influencën e Putinit në Shqipëri nuk bëhen me dije ende, por të gjithë ata që kanë drejtuar mikrofonin për të marrë një prononcim nga të afërm e të njohur të të arrestuarve, janë në pritje për t'u marrë në pyetje.

Në javën që vjen po ashtu thuhet se do të mbërrijnë në vendin tonë tre agjentë specialë të CIA-s pikërisht për të hetuar mbi këtë çështje.

Dy rusët Svetlana Timofeyeva dhe Mikhail Zorin së bashku me ukrainasin Fedir Alpatov u ndaluan më 20 gusht teksa po përpiqeshin të hynin në një fabrikë ushtarake në Gramsh.

Të arrestuarit u thanë oficerëve të zbatimit të ligjit se po fotografonin objekte të braktisura ushtarake si blogerë. Por autoritetet kanë dyshime të forta se në fakt ata kishin ardhur në Shqipëri me mision sekret dhe ishin të lidhur me agjenturat ruse.





Lajmet e fundit nga