web counter
LEXO PA REKLAMA!

SHKARKO APP

App Store
Google Play

E fundit!

x

Eksperti flet me shifra/ 6 mijë shqiptarë hynë në Britani në 2 muaj

28 Gusht 2022, 19:45, Aktualitet CNA
Eksperti flet me shifra/ 6 mijë shqiptarë hynë në Britani
Eksperti i integrimit, Andi Hoxhaj

Eksperti i integrimit, Andi Hoxhaj thotë se në dy muajt e fundit, rreth 6 mijë shqiptarë kanë hyrë në Britaninë e Madhe me varka të vogla apo gomone.

Në një intervistë për “Euronews Albania”, Hoxhaj u shpreh se ka pasur një fluks të shtuar, por theksoi se shqiptarët përbëjnë 18% të emigrantëve të ardhur në Britaninë e Madhe kohët e fundit.

Ai shtoi se pjesa tjetër e emigrantëve janë afganë dhe iranianë.

“Në dy muajt e fundit, shifrat tregojnë që gati 6 mijë shqiptarë kanë ardhur në Britaninë e Madhe me varka të vogla apo gomone dhe kjo ka patur një impakt. Ka pasur një fluks të rritjes. Nëse e krahasojmë këtë periudhë me periudhën e vitit të kaluar, vetëm 23 shqiptarë kanë kaluar, kjo si shifër është bërë goxha e madhe dhe prandaj mediat e kanë trajtuar.

Emigracioni është pjesë e një debati më të gjërë në Britaninë e Madhe dhe në këtë rast janë edhe shqiptarët. Nëse do diskutojmë shifrat e shtetasve të huaj që kanë ardhur këto kohë, 18% janë shqiptarë, pjesa tjetër janë afganë dhe iranianë. Shqiptarët në total janë 18%, por ka pasur rritje kohët e fundit", tha Hoxhaj.





Lajmet e fundit nga