web counter
LEXO PA REKLAMA!

SHKARKO APP

App Store
Google Play

E fundit!

x

Fermerët në Divjakë: Si të mbrohemi nga ndryshimet e klimës?

29 Gusht 2022, 12:58, Aktualitet CNA
Fermerët në Divjakë: Si të mbrohemi nga ndryshimet e
Fermeret ne Divjake

Në Shqipëri flitet aspak ose shumë pak për një fenomen natyror që po ndryshon botën, siç janë ndryshimet e klimës. Sektori i bujqësisë është më i prekuri nga ky fenomen, dhe sot përshtatja e këtij sektori me kushtet e reja që dikton natyra është një sfidë mbijetese. Fermerët shqiptarë nuk janë të informuar mbi atë që shkakton kjo dukuri natyrore në jetën dhe punën e tyre.

Pikërisht informimit të fermerëve mbi pasojat negative të ndryshimit të klimës në bujqësi po i shërben projekti “Përshtatja e bujqësisë si sfidë përballë ndryshimeve të klimës”. Takimi i radhës informues me fermerët u mbajt në Divjakë.

Qëllimi i takimit ishte informimi i fermerëve mbi pasojat që kanë në sektorin e bujqësisë ndryshimet klimatike. Divjaka është një nga zonat më të rëndësishme bujqësore në vend, por edhe një nga zonat që do të preket fort nga ndryshimet e klimës në kuadër të gjithë rajonit mesdhetar. Profesor Albert Kopali, u shpjegoi të pranishmëve se çfarë është fenomeni i ngrohjes globale, nga se shkaktohet dhe çfarë pasojash prodhon ai për jetën në Tokë.

Fermerët në Divjakë: Si të mbrohemi nga ndryshimet e

Ai renditi më pas disa nga pasojat e drejtëpërdrejta të sektorit të bujqësisë nga ndryshimet e klimës, si:

-Reduktimimi rezervës ujore.

-Ndryshimi i ciklit biologjik të bimëve

-Zgjatja e sezonit të thatë dhe të nxehtë të verës

 -Çrregullimi i reshjeve dhe rritja e rrezikut të përmbytjeve.

Zona e Divjakës është brenda zonës që do të preket nga ndryshimet klimatike në territorin e vendit tonë.

Fermerët bënë pyetje konkretete si:

-Çfarë mund të bëjmë me në kushtet tona për t'u mbrojtur nga këto ndryshime të klimës?

-Çfarë ndihme mund të na japë qeveria për të minimizuar pasojat negavite të tyre?

Fermerët në Divjakë: Si të mbrohemi nga ndryshimet e

Prof. Kopali sugjeroi që fermerët të konsultohen me specialistët e bujqësisë për çështje që lidhen me kohën e mbjelljes së bimëve, pasi ciklet tradicionale kanë ndryshuar. Në kuadër të këtij projekti do të bëhet edhe trajnimi i specialistëve të agronomisë, që shërbejnë në nivel qëndror dhe lokal.

Projekti “Përshtatja e bujqësisë, si sfidë përballë ndryshimeve të klimës”, zhvillohet në kuadër të Green-AL, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN, Instituti për Zhvillimin e Habitatit në bashkëpunim me CISP Sviluppo dei Popoli, VIS Albania dhe COSV - Cooperazione per lo Sviluppo”. #GreenAL #SIDA #MbrojtjaMjedisit #AdvokojmëpërMjedisin #BujqesiaKlima./CNA.al





Lajmet e fundit nga