E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Skenarët/ Çfarë po ndodh me largimin e Gledis Nanos

29 Gusht 2022, 14:53, Aktualitet CNA

Gledis Nano

Gledis Nano, Drejtori i Përgjithshëm i Policisë së Shtetit, tashmë do të jetë edhe për disa orë, deri në shkarkimin e tij nga qeveria në mbledhjen e ardhshme.

Detyra e mbajtur si kryepolic i Republikës, tashmë ka mbaruar për njeriun që u quajt si emërimi i amerikanëve në krye të Policisë së Shtetit.

CNA.al ka mësuar nga burime zyrtare, se Gledis Nano do të shkarkohet të mërkurën.

Por cilët janë skenarët, çfarë ka ndodhur?

Lajmi i dorëheqjes, nuk konfirmohet nga Gledis Nano

Së pari, CNA.al raportoi se Gledis Nanos i është kërkuar me marrëveshje të largohet në një detyrë tjetër. Kuptohet jo vetëm për këtë rast, por dhe për ngjarjen e rëndë të Himarës, për ngjarjet e fundit kriminale në vend me situatën e krimit, etj. Ka pasur shumë problematika për të cilat policia nuk ka qenë në nivelin e duhur.

Gledis Nano refuzon marrëveshjen me zyrtarët e Ministrisë së Brendshme

Për këtë arsye Gledis Nanos i është kërkuar të japë dorëheqjen dhe të largohet me marrëveshje për të shkuar në një institucion tjetër.

Nano nuk e ka pranuar marrëveshjen e ofruar nga zyrtarët e Ministrisë së Brendshme, ndoshta vetë Çuçi apo kryeministri Rama. Duke mos pranuar lëvizjen e tij, ai mesa duket kërkon të mbështetet tek ambasada, tek institucionet diplomatike për të mbajtur detyrën e kryepolicit.

Ikja e Nanos nuk mjafton!
29 Gusht, 14:33

Pasi ka refuzuar që të largohet me marrëveshje në një institucion tjetër, pas ofertave të dhëna, mësohet se Gledis Nano do të shkarkohet nga detyra në mbledhjen e afërt të qeverisë i cili është dhe skenari tjetër i pritshëm.

Gledis Nano kërkon ‘shpëtim’ nga institucionet diplomatike

Lajmi se Gledis Nano ishte dorëhequr, u dha në disa media dhe më pas u përgënjeshtrua.

CNA.al tentoi të komunikonte me Drejtorin e Përgjithshëm të Policisë së Shtetit, por komunikimi me të ështe i pamundur. Ndërkohë që zyrtarisht policia nuk e përgënjeshtron largimin apo shkarkimin e Gledis Nanos. Ky i fundit vetë nuk ka konfirmuar dorëheqjen e tij, por mesa duket shpreson se nuk do të shkarkohet nga qeveria, dhe do të mbijetojë duke u mbështetur tek ambasadat apo institucionet diplomatike.

Në fakt shkarkimi tashmë është thjesht dhe vetëm, një çështje kohe./ CNA.al