E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Horrori që serviret me Ervis Martinajn/ Nga hipotezat për vrasjen makabre te heshtja e policisë

20 Gusht 2022, 09:23, Aktualitet CNA

Horrori që serviret me Ervis Martinajn/ Nga hipotezat për vrasjen

Me 11 gusht në media doli lajmi se është zhdukur i shumëkërkuari Ervis Martinaj.

Sipas raportimeve të gazetarëve të kronikës, familja e Ervis Martinajt, xhaxhai dhe nëna, kishin kallëzuar në komisariatin e policisë në Laç, se kishin humbur çdo kontakt me familjarin e tyre.

Që në momentin kur doli lajmi në media, u hodh edhe versioni i inskenimit nga Martinaj, madje Policia dyshonte më shumë te ky version.

Pasi flitej se Martinaj ndodhej në Dubai në hetime u përfshinë edhe Shërbimi Informativ Shtetëror, u kaluan në filtër të gjitha kontaktet e Martinajt dhe më pas sërish në media, duke cituar burime doli lajmi se personi që kishte njoftuar familjen për zhdukjen e djalit të tyre, ishte me vendndodhje në Dubai.

Zhdukja e Martinajt përkonte me njëmujorin e ekzekutimit të kushëririt të tij, Bruilant Martinaj dhe dy të tjerëve.

Horrori që serviret me Ervis Martinajn/ Nga hipotezat për vrasjen

Për nëntë ditë radhazi në media u hodhën hipoteza nga më të ndryshme, u tha se u bënë kontrolle në Vlorë, atje ku Martinaj dyshohet se kishte një bazë, përtej asaj të Fushë-Kuqes.

Por asnjë informacion se çfarë ka ndodhur me të, ndërkohë që Vlora u trondit mëngjesin e 18 gushtit nga një atentat i dyfishtë, i cili iu faturua një ngjarjeje të vitit 2019 në Vlorë.

Horrori që serviret me Ervis Martinajn/ Nga hipotezat për vrasjen

Një ditë më parë, "Albanian Post", duke iu referuar burimeve policore, shkruante se Ervis Martinaj ishte vrarë.

Trupi i tij ishte ndarë në 6 pjesë. Si në një film horror, përshkruhej akti në fjalë. Sipas të njëjtit portal, trupi i Martinajt është parë së bashku me atë të një miku të tij, i copëtuar në gjashtë pjesë.

“Në detaje paraprake, mendohet se ai është nxjerrë nga një person i afërt, mik i tij, nga banesa (fortesa) e tij, i cili e ka çuar drejt grupeve rivale, besohet diku në regjion të Vorës”, shkruan "Albanian Post".

Por nga policia ende nuk ka asnjë version, ndërkhoë që të ashtuquajtura burime hedhin në media skena horror.

Policia hesht, zyrtarisht Ervis Martinaj rezulton i zhdukur, por edhe në kërkim ndërkombëtar, nga ana tjetër, medias, Martinaj i serviret i ndarë në 6 pjesë.

Ervis Martinaj është një emër i njohur i botës së krimit në kryeqytet. Emri i tij është lakuar shpesh pas vitit 2013.

Ai u denoncua për kanosje nga një komandant i forcave “Shqiponja” të Policisë së Shtetit në Tiranë. Pas denoncimit, ai u shpall në kërkim.

Dhe që nga viti 2013 dhe këtej Martinaj ka qenë një ndër më të lakuarit në lidhje me ngjarje të ndryshme, që përflitej se ka edhe mbështetje të fortë politike./CNA.al