E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

“Njerëz të rëndësishëm fërkuan duart për zhdukjen e Martinajt”/ Artan Hoxha: Lami e shoqëronte prej janarit

29 Gusht 2022, 16:04, Kronika CNA

Gazetari investigativ, Artan Hoxha

Gazetari investigativ, Artan Hoxha, ka deklaruar se agjenti i Forcave Operacionale, Jeton Lami, kishte pak muaj që e shoqëronte Ervis Martinajn.

I ftuar në "Abc News", Artan Hoxha është shprehur se Lami ishte pranë Martinajt që nga muaji janar.

“Afganistan. Një skuadër Elitë, dhe plus 20 nga policia më të mirët. Tek kjo 100 persona, ky personi Jeton Lami ishte i përzgjedhur nga policia dhe kjo skuadër u ngrit për të kapur bosët e krimit të organizuar.

Jeton Lami ishte shoqëruesi tij. Nuk ka shumë kohë ky person që e shoqëron. Që nga janari ka qenë afër me Martinajn. Para tij kanë qenë persona të tjerë”, tha ai.

Sipas gazetarit lajmi për zhdukjen e tij ka gëzuar shumë persona që i përkasin botës së politikës apo të biznesit.

“Në momentin që ka filluar të qarkullojë thashethemi se i ka ndodhur diçka. Në këtë vend ka pasur shumë njerëz që kanë fërkuar duart dhe kanë marrë frymë thellë. Nuk kanë qenë vetëm kundërshtarë. Kanë qenë personazhe nga më të rëndësishëm, që nga elita politike, biznesi. Shumë njerëz kanë marrë frymë të liruar. Në ditët e para telefonat nuk na pushonin. Doni të dinin cili ishte fati i Ervis Martinajt”, tha Hoxha.

Gazetari thotë më tej se kjo histori do të vijojë të mbetet me enigma dhe në kuadrin e një legjende, nëse shteti nuk reagon. Hoxha thekson se Ervis Martinaj nuk është personazh i zakonshëm.

“Çfarë ka ndodhur? Kjo histori do të vazhdojë dhe do të jetë në kuadrin e një legjende deri sa shteti të reagojë. S’mund të merret një prokurori rrethi me këtë. Duhet të merret SPAK. Çfarë do që të ketë dëgjuar Jeton Lami, nuk di as 1% të asaj që ka në telefon Martinaj. Më rezulton aksioner në tri banka të nivelit të dytë. Nuk është personazh nga ata që jemi mësuar. Nuk është bos krimi me dorën e vet. Nuk ka bërë asgjë vetë. Ishte më tepër një organizator, ideoi një strukturë. Ndryshe nga bosët, ai ishte shumë showmen. Ishte shumë i dukshëm në publik. Mund ta gjeje atë në lokalet kryesore të kryeqytetit, duke financuar koncerte, sportistë. Po të hapje televizionin, reklamat në stadium kishin emrat e kompanive të tij. Në kampionatin e 2018 ishte sponsori kryesor i medias. Ishte ndryshe nga ajo çfarë kishim parë”, tha gazetari./ CNA.al