Konfilikti për një apartament/ Qytetarja akuza emisionit “Stop”

30 Maj 2022, 14:57, Aktualitet CNA

Konfilikti për një apartament/ Qytetarja akuza emisionit

Emisioni “Stop”, në një nga episodet e tij, ka trajtuar çështjen e një konflikti pronësie.

Sipas Stop, qytetari Kristaq Qiqi ka blerë një apartament në vitin 2012 në rrugën e Kavajës me kontratë të rregullt dhe vitet e fundit ai është pajisur edhe me certifikatë pronësie. Në vitin 2021 vihet në dijeni nga përmbaruesi privat Besnik Bajraktari, se duhet të lironte shtëpinë, pas një konflikti mes ndërtuesit dhe pronarit të truallit.

Por me 10 gusht 2021 gjithnjë sipas emisionit Stop, , kur Kristaqi ndodhej në Londër, kthehet me urgjencë dhe e gjen bravën e apartamentit të tij, të ndryshuar.

Zyra e përmbarimit nuk tërhiqet e po kështu dhe pretenduesja e apartamentit Ada Pasmaciu.

Kjo e fundit ka reguar duke hedhur poshtë pretendimet e emisionit “Stop”.

Abuzimi i përmbarimit dhe komisariatit 3 në rrëmbimin e apartamentit
26 Maj, 22:37

Reagimi i Pasmaçiut

Sipas saj, emisioni Stop ka manipuluar provat, faktet dhe ka montuar pjesë të caktuara.

“Nuk është e vërtetë që Z.Kristaq Qiqi ka patur masë sigurie në apartamentin i cili është ekzekutuar në dt 10.08.2021, por ai ka marrë një masë sigurie për pezullimin e vendimeve përmbarimore (shitjen në ankad të sendeve të luajtshme) ne dt.16.11.2021. Ai këtë masë e ka marrë 3 muaj pas ekzekutimit te vendimit të gjykatës”, thuhet në reagimin e Adea Pasmaçiut.

Kjo e fundit ka hedhur të gjitha deklaratat e mëtejshme të transmetuara në emisionin Stop.

“Prindërit e mi, janë pronarë të një trualli, mbi të cilin u ndërtua një pallat 10-11 kate, nëpërmjet shoqërisë Alba Flor dhe me administrator G.C.

Ne kemi lidhur një kontratë sipërmarrje në vitin 2003 me shoqërinë ku kemi rënë dakord se do tí jepnim për ndërtim truallin në këmbim të 450 m2 ndërtim në këtë pallat. Ky shtetas, Gezim Ceka dhe shoqeria Alba Flor ne 2010,2011, 2012, ka shitur apartamentet tona të cilat kanë qenë edhe në posedimin tonë në fillim dhe më pas duke përdorur dhunë na nxjerr nga apartamentet takuese”, shkruan më tej Pasmaçiu.

Konfilikti për një apartament/ Qytetarja akuza emisionit