LEXO PA REKLAMA!

SHKARKO APP

E fundit!

x

Europol, për furnizimet me armë/ "Të evitohen situata si në Ballkan"

30 Maj 2022, 08:18, Aktualitet CNA

Europol, për furnizimet me armë/ "Të evitohen situata si

Autoriteti europian i policisë, Europol, është i shqetësuar se armët që këto kohë nga Bashkimi Europian po shkojnë drejt Ukrainës në plan afatgjatë mund të bien në duar të gabuara. "Një kohë lufta do të marrë fund. Ne duam që të pengojmë një situatë si para 30 vjetësh në luftën e Ballkanit. Armët nga kjo luftë ende edhe sot përdoren nga grupet kriminale", është shprehur drejtoresha e Europolit, Catherine de Bolle në intervistë për gazetën gjermane "Welt am Sonntag".

Europol, për furnizimet me armë/ "Të evitohen situata si
Katerinë de Bole

Lëvizje të fshehta terroristësh mes Ukrainës e BE-së

Për këtë arsye Europol planifikon që të krijojë një grup ndërkombëtar, që të zhvillojë strategji për të vepruar në këtë situatë si ajo e luftës në Ukrainë. Nga ana tjetër, Europol vëren edhe aktivitete të fshehta lëvizjeje mes Ukrainës dhe BE-së të personave të njohur terroristë, ekstremistë dhe të gatshëm për dhunë, është shprehur De Bolle.

"Situata është tepër dinamike dhe e fragmentarizuar, dhe ne marrim shifra të ndryshme nga partnerët europianë", ka thënë drejtoresha e policisë europiane. Aktualisht Europol ka regjistruar edhe një rritje të sulmeve kibernetike në kontekstin e luftës në Ukrainë.

Europol po ashtu ka paralajmëruar një rritje të ndjeshme të dhunës në rrugët europiane. Drejtoresha e Europolit në bisedë me "Welt am Sonntag" bën fjalë për një "nivel të dhunës në rrugët europiane, që nuk e kemi parë kurrë më parë. Deri tani e dinim këtë nga Amerika Latine"./DW

Lajmet e fundit nga