web counter
LEXO PA REKLAMA!

SHKARKO APP

App Store
Google Play

"Wizz Air" shtyn një tjetër fluturim/ Pas Pizës, mbeten në aeroport edhe pasagjerët nga Norvegjia

29 Maj 2022, 21:41, Aktualitet CNA
"Wizz Air" shtyn një tjetër fluturim/ Pas Pizës, mbeten
Avion i "Wizz Air"-it

Një tjetër udhëtim i kompanisë "Wizz Air" është shtyrë mbrëmjen e sotme nga kompania, duke lënë pasagjerët në pritje.

Këtë radhë bëhet fjalë për udhëtimin që duhej të nisej nga Norvegjia për në Shqipëri. Burime për CNA.al bëjnë të ditur se pasagjerët e linjës Sandefjord-Tiranë janë lajmëruar dy herë nga kompania për shtyrjen e udhëtimit.

Udhëtarët kanë mbetur në aeroportin e Sandefjordit dhe deri më tani nuk kanë marrë asnjë shpjegim se përse janë lënë në pritje.

"Wizz Air" u ka dërguar pasagjerëve vetëm dy mesazhe. Në mesazhin e parë thuhet se fluturimi “W6 6644 TRF-TIA” është shtyrë për në orën 20:15, ndërsa në tjetrin lajmërohet se ky fluturim është shtyrë për në orën 22:45.

“Your flight W6 6644 TRF-TIA is delayed. Estimated departure: 22:15, 5/29/2022. Apologies for the inconvenience. WIZZ

Your flight W6 6644 TRF-TIA is delayed. Estimated departure: 22:45, 5/29/2022. Apologies for the inconvenience. WIZZ”, thuhet në dy mesazhet e marra nga pasagjerët.

Udhëtarët janë shqetësuar nga vonesat, ndërsa kanë mbetur pa shpjegime për situatën e paprecedentë.

Kujtojmë se ky nuk është udhëtimi i vetëm me probleme nga "Wizz Air", pasi CNA.al lajmëroi më parë për shtyrjen me disa herë të linjës Piza-Tiranë dhe anulimin e këtij fluturimi.

Ndërkohë, gjatë ditës ka pasur edhe probleme të tjera me disa fluturime që janë ulur në Bari e Brindizi./ CNA.al

"Wizz Air" shtyn një tjetër fluturim/ Pas Pizës, mbeten
Tabela me fluturimet

 





Lajmet e fundit nga