LEXO PA REKLAMA!

SHKARKO APP

Peleshi u përgjigjet akuzave për pronat e FA/ Nuk kam dhënë miratim për qira apo privatizim

30 Maj 2022, 13:26, Aktualitet CNA

Peleshi u përgjigjet akuzave për pronat e FA/ Nuk kam dhënë

Ministri i Mbrojtjes, Niko Peleshi, i thirrur në një interpelancë në Kuvend nga opozita për pronat e Forcës Detare deklaroi se pas vitit 2013 janë privatizuar 50% më pak prona të Forcave të Armatosura sesa para këtij viti.

Duke i cilësuar spekulative të gjitha deklaratat e deputetit të PD-së Ferdinand Xhaferraj, Ministri i Mbrojtjes iu përgjigj interesit për bazën ushtarake të Kuçovës:

“Është shumë pozitive për sigurinë tonë kombëtare dhe rajonale sidomos pas agresionit rus në Ukrainë që ka ndryshuar skenën e sigurisë. Sot që e kemi këtë bazë në rajon, jemi krenarë sepse është një arritje e kohës, e kësaj qeverie e cila ka ditur të punojë me strukturat euroatlantike me NATO-n dhe po e bëjmë realitet. Ne nuk i vendosim mbiemra politikë këtyre zhvillimeve as me një mandat qeverisjeje, por kanë të bëjnë me sigurinë kombëtare dhe më vjen keq që po spekuloni. FA trashëgojnë asete të një ushtrie të para vitit '90. Realiteti ka ndryshuar, por nuk është kollaj të ndryshojë me pronat e ushtrisë. Sot që flasim kemi 1372 prona në emër të FA. Një pjesë e tyre janë vënë në dispozicion të zhvillimit. Sepse nuk janë në mundësitë tona për t’u përhapur në një numër të tillë pronash. Jemi në një kohë tjetër. Jemi pjesë e NATO-s. Na duhet që këtë numër të madh pronash ta vëmë me eficiencë, jo ta vëmë thjesht në vëzhgim. Çështja e dhënies së pronave në përdorim të investitorëve nuk është mëkat, por detyrë që na e cakton ligji".

Në shpjegimin e tij, Ministri i Mbrojtjes tha se para 2013-ës janë privatizuar prona brenda bazave të FA. “Prona e dhënë me qira në 2014-ën në Urën Vajgurore nuk ka qenë në Planin e Përhapjes së Forcave të Armatosura. Një kompani ka shprehur interesin për ta marrë me qira. Nuk janë prona që jep ministri apo kryeministri. Në atë tokë nuk ka ndodhur investimi. Komando e forcës ajrore ka bërë kontrollin dhe i ka kërkuar ministrisë së Ekonomisë të prishë kontratën. Ministria e Ekonomisë e çmon vetë nëse është në kushte të prishjes së kontratës. Sugjerimin e kemi bërë pasi investimi nuk ka filluar", sqaroi ministri Peleshi.

Ndërsa sa i përket bazës së Shëngjinit, Peleshi tha se atje ka pasur abuzime me pronat. “Një pjesë e territorit të Bazës së Shëngjinit i është regjistruar privatit në 2009-ën. 5 kallëzime në gjykatë për veprimet e ish-zyrtarëve të PD-së, vetëm drejtësia e re reagoi. Kemi çuar në SPAK bazën e Shëngjinit, i cili ka sekuestruar ndërtimin. Ndërtimi në bazën e Shëngjinit me leje të kryetarit të bashkisë së Lezhës në kohën në PD. Dhënia me qira e Gjirit të Limionit është bërë sipas ligjit. Nëpërmjet qiradhënies, Forca Detare do të përfitojë një investim të ri, modern, pa kosto financiare. Baza në Sarandë mbetet brenda planit të përhapjes së FA. Duke iu përgjigjur akuzave të deputetit të opozitës, ministri Peleshi tha se PD-ja e ka nxjerrë godinën e SHQUP nga plani i përhapjes së FA brenda 24 orëve.

Lajmet e fundit nga