web counter
LEXO PA REKLAMA!

SHKARKO APP

App Store
Google Play

Kërkuan masa më të lehta sigurie/ Apeli vendos për 27 të arrestuarit e operacionit “Tempulli”

19 Tetor 2023, 15:13, Aktualitet CNA
Kërkuan masa më të lehta sigurie/ Apeli vendos për 27
Gjykata e Apelit

Gjykata e Apelit ka lënë në fuqi vendimin e Gjykatës së Shkallës së Parë për 27 të arrestuarit në kuadër të megaoperacionit “Tempulli”.

Gjykata e Apelit bën me dije se të arrestuarit kishin kërkuar masë më të butë sigurie, por për secilin prej tyre është lënë në fuqi masa e arrestit.

27 të arrestuarit akuzohen për shitjen e lëndëve narkotike në afërsi të shkollave.

“Çështja në apel u shqyrtua mbi bazën e ankimeve të paraqitura, nga personat nën hetim me iniciale R.P, Xh. Gj (B), E.H, R.A, E.P, M.K, E.D, S.S, S. M, B.M, D.S, D.C (V), O.V, L.D, F.Q, F.A, F.H, K.K, K.K, S.M, K.X, F.P, E.P, G.H, E.D, R.M, dhe E.C, të cilët respektivisht kërkuan ndryshimin e vendimit dhe caktimin e një mase tjetër sigurimi më të butë se“arresti në burg”. Në përfundim të gjykimit, sot më datë 19.10.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Valbona Vata, vendosi- Lënien në fuqi të vendimit të Gjykatës së Shkallës së Parë të Juridiksionit të Përgjithshëm Tiranë”, thuhet në njoftimin e Gjykatës së Apelit.

“Tempulli” u shtri në disa qytete dhe falë këtij megaoperacioni kanë përfunduar në pranga rreth 200 persona, pjesëtarë të 23 grupeve kriminale që shpërdanin drogë nëpër zona të banuara dhe afër shkollave. Pjesa më e madhe e të arrestuarve ishin nga Durrësi, Tirana, Korça dhe Vlora. Midis të arrestuarve kishte edhe gra dhe të moshuar./ CNA





Lajmet e fundit nga