web counter
LEXO PA REKLAMA!

SHKARKO APP

App Store
Google Play

E fundit!

x

Debate në Komisionin e Ligjeve/ Bylykbashi kërkon dekretin e Metës, Bushka i ndërpret fjalën

4 Qershor 2022, 16:34, Aktualitet CNA
Debate në Komisionin e Ligjeve/ Bylykbashi kërkon dekretin e
Oerd Bylykbashi

Është shoqëruar me debate të forta Komisioni i ligjeve ku po diskutohen kriteret ligjore kushtetuese të kandidatit të propozuar nga PS.

Klotilda Bushka i ka prerë fjalën Oerd Bylykbashit, duke mos pranuar argumentet e demokratëve.

“Unë dua që të kem këtu dekretin e presidentit Meta, a mund ta kem?”, pyeti Bylykbashi.

“Praktika e çdo dokumentacioni mund t'iu vihet në dispozicion, sekretaria të shpërndajë kopjen e shkresave që kërkon zoti Bylykbashi”, tha Bushka.

‘Nuk është një shqyrtim që mund ta bëjë sekretaria, duhet të jemi ne që të konstatojmë kushtetutshmërinë  e kandidatit. Është detyrë e jona mbi të gjitha këto, është që nëse kandidatura ka ndalesa. Presidenti i Republikës, në momentin e kandidimit duhet të jetë i lirë nga çdo detyrë ushtarake. Nuk ka dokument që e vërteton dekretin e presidentit.

Kemi bërë një ndarje të qartë mes pushtetit civil dhe ushtarak, asnjë ushatarak nuk mund të marrë detyra mbi administratën shtetërore. Është parim themelor, fakti që kryeministri i Republikës, e ka kthyer procesin e emërimit të presidentit, si një prestigjator, që  e nxjerr në orët e fundit, nuk i bën nder as vetë kanidatit. Kushtetuta jo më kot jep kohë 7 ditë nga njëri raund në tjetrin, ky kandidat deri sot ka qenë në krye të Forcave të Armatosura. Mund ta kishit bërë ndryshe, dëgjoni dhe njëherë, këtu po flasim për presidentin e Republikës, nuk po e bëjmë sikur thjesht do të nxjerrim në fotografi njërin te muri.

Është zgjedhja që ka bërë kryeministri, dhe u turrët ju për të grumbulluar 37 firma, dekreti nuk e shëndosh këtë situatë antikushtetutshmërie, parimi që kërkon kushtetuta është i qartë”, u shpreh më tej Bushka./CNA.al





Lajmet e fundit nga